gi 'gyur bzhugs tsa na dbu ma'i bstan bcos ni/ ka cog rnam gnyis dus kyi bka' ni chad/ sngar tshad ma lha'i zhor la byung ba'i rang rgyud shar gsum la sogs pa yod kyang / don gyi de kho na nyid ma shes pas/ lo tsA ba pa tshab pa nyi ma grags kyis kha cher lo nyi shu rtsa gsum sbyangs te/ paNDi ta mchog tu mkhas pa shi na ka warma zhes bya ba spyan drangs te/ dbu ma rig pa'i tshogs dang / de'i 'grel pa rnams dang / rgyal po la gdams pa gnyis dang / zla ba grags pa'i bzhed pa rab tu rgyas pa tshig gsal dang / stod skor gdams dang / bstan bcos phra mo mang po bsgyur ro/ /pa tshab kyi slob ma dar ma yon tan grags/ de'i slob ma pha bong kha pa/ de'i slob ma rma bya byang brtson no/ /des kun tu dar bar byas so/ /de nas de rnams kyi bar skabs su zhang zhung pa rgyal ba shes rab kyis paNDi ta pra dznyA pa la sdom pa blangs nas/ de nas bal por byon nas/ bram ze 'dul 'dzin pre ta ka la 'dul ba lag len zhus/ phyis bod du kha che'i mkhan po dznyA na shrI la lung dang / so so thar pa dang / 'grel pa 'dul ba bsdus pa gsan/ kha che'i paNDi ta chen po bhu dha shan ti ba la/ dge 'u lo tsA bas bsgyur nas sum brgya pa rtsa 'grel gsan/ lo tsA ba gzhon nu mchog gis spyan drangs pa'i paNDi ta ya thang he ha ra la bslab pa'i gzhi mdo rtsa gsan/ de ltar yas mas su khyung po skyong la sogs pa rab tu byung nas/ de'i slob ma smon 'gro 'dul 'dzin/ de'i slob ma hu ber rgyal ba'i shes rab/ tshul khrims blo gros dpal 'byor zhing mo bya ba/ byang chub sems dpa' zla ba rgyal mtshan la sogs su 'phel/ 'dul ba stod lugs zhes grags/ chos mngon pa mdzod ni/ sngon ka cog zhang gsum nas brgyud pa bar skabs su stongs pa la/ dus phyis smri tis 'gyur gsar mdzad de nas thog ma'i bshad pa rnams mchims rgyud kyis dar bar mdzad/ dge ba'i bshes gnyen bsten/ mchims brtson 'grus bla ma/ de'i sras rgyal mtshan/ de'i sras sgom pa/ de'i sras don grub rgyal/ de'i sras rig 'dzin/ de la sras bzhi ni brtson 'grus seng ge/ chos kyi seng ge/ cho ga zhang btsun no/ /de'i sras blo gros seng ge'o/ /mngon pa kun las btus ni glang dar gyi dus su bskungs nas bzhugs so/ /byams pa/ thogs med/ dbyig gnyen/ blo brtan/ gang ba spel/ dzi na mi tra/ shi len dra bo dhi/ cog ro klu'i rgyal mtshan/ ka ba dpal brtsegs/ sna nam gyi ban de ye shes sde/ ka cog gi slob ma sbas rgyal ba'i ye shes/ gru mchog gi ye shes/ se btsun gzhon nu/ dhar mi yon tan g.yung drung / khu ston shes rab brtson 'grus lha sdings pa yin no/ /ra khri bzang 'bar dang / rgya rgyal bu tshul la/ de gnyis kyis rong ngur smrig pa brang ti dar ma snying po dang / ye 'byung gnyis/ des bhan rog la bshad de/ lugs gnyis su grags so/ /mngon pa'i me ro bslangs lugs so/ /de nas de'i skabs gcig tu/ chos 'khor gyang gi mkhan po shAkya gzhon nu dang / slob dpon se jo sras ye shes brtson 'grus kyi slob ma 'brog mi shAkya ye shes dang / stag lo gzhon nu brtson 'grus dang / ling shAkya brtson 'grus dang gsum bcad dpyad pa che bas/ mkhan slob kyis gser mang po brdzangs nas/ bstan pa'i rtsa ba 'dul ba yin/ bstan pa'i snying po phar phyin yin/ bstan pa'i nying khu gsang