kyi rgyal khams na/ /dbang byed rig rim pa bcu gnyis kyis/ /tha ma rgyal phran bcu gnyis kyis/ /sil ma bzhi bcu rtsa gnyis dang / /rgyal phran drug cu rtsa bzhi sogs/ /dbye ba mang du yod gyur kyang / /bka' drin can gyi rgyal po med/ /glo bur spur rgyal btsad po yin/ /mdor bsdus kyang sa nas cung zad bstan/ /'di la spyad lugs rnam pa gsum/ /bon po'i yi ge lha dge can/ /gnam nas babs zhes bsgrags pa'i lugs/ /rje nyid gsungs pa phyag rgya can/ /rgya gar rgyal phran rgyud par 'dod/ /de nas gleng pa'i zhib rtsing gsum/ /rkang rkyang pa gcig rgyud rtsi ba yin/ /de ming za gzhug rgan rabs can/ /khug pa yum sgam smos pa la/ /'dab ma dgu rtseg can zhes bya/ /yun po rgyas bshad yin pal/ /zing po sna tshogs can du grags/ /de la rkyang pa brtsis pa la/ /rje rgyal gnya' khri btsan po'i sras mu khri btsan po/ /de'i sras ding khri btsan po/ /de'i sras so khri btsan po/ /de'i sras khri ye btsan po bya ba yin/ /de'i sras khri yer bya ba yin/ /de la grim gum btsan po 'khrungs/ /de tsho gnam gyi khri bdun yin/ /gri gum btsan po'i sras gsum la/ /che dag gnya' sha khri nyang po spyugs/ /nyang rgyal thams cad de nas gyes/ /'bring po nya bya khri spu bor spyugs/ /kha cig 'di la stod btang steng zer/ /gdung la ru las skyes kyis de spyan drangs/ /spu lde gung rgyal bya bar grags/ /spu rgyal btsan por de nas grags/ /de'i rgyal sras sho legs dang / /de sho legs dang phu ru legs/ /'bring shar legs shes bya ba dang / /i sho rno legs i sho legs/ /de rnams rim bzhin chig rgyud yin/ /de la legs drug de ltar zer/ /i sho legs kyi rgyal sras la/ /gza' nam zin te bya ba yin/ /de'i sras lde 'phrul po dang / /de'i sras lde snol nam/ de'i rgyal sras lde rgyal te/ /de dag sde bzhi rgyal po zer/ /dgu rtseg can na lde brgyad zer/ /lde brgyad po'i sras ni/ /to re long btsan bya ba yin/ /de'i sras khri btsan rnam nal yin/ /de'i sras khri btsan rgyal dpung btsan/ /de'i sras thog rje thog btsan yin/ /de'i sras tho tho gnyan btsan yin/ /de lnga btsan lnga dag tu bshad/ /tho tho gnyan zhal rgyal sras ni/ /'dus nas zla bo btsan de'i sras/ /'brong gnyen lde'u bya ba yin/ /de'i sras stag gu gnyan gzigs yin/ /de'i sras gnam ri long btsan yin/ /de'i sras srong btsan sgam po yin/ /de'i sras gung srong gung btsan yin/ /de'i sras mang srong mang btsan yin/ /de'i sras 'dus song mang po rje/ /de'i sras khri lda btsan la/ /khri srong lde btsan 'khrungs pa yin/ /da'ei sras che dag mu ne btsan po yin/ /yum gyis gsol drangs grongs pa yin/ /'bring po mu re btsan po yin/ /sna nam bsad pas mtha' ru spyugs/ /chung dag sad ne btsan po yin/ /dgu rtseg can nas sras bzhir 'dod/ /sad ne btsan po'i sras gsum la/ /che dag ral pa can gyi gdung nas chad/ /chung dag gtsang ma mon du spyugs/ /'bring po glang dar sras gnyis la/ /yum brtan 'od srungs smos pa gnyis/ /yum brtan rgyud pa dbu rur chad/ /'od srungs la ni dpal mgon btsan/ /de la sras gnyis 'khrungs pa la/ /che shos skyid lde nyi ma mgon/ /spu rang stod du gshegs pa yin/ /mnga' bdag rtse lde la sogs yin/ /chung dag bkra shis brtsegs pa dpal/