/de'i sras bkra shis brtsegs pa mgon/ /de'i sras kho re/ de'i sras srong nges rim par ro/ /byung tshul mkha' ltar rgya che bsam yas pa/ /bdag blo'i sbrang bus mtha' rtogs mi nus kyang / /mkhas pa'i gsung gi 'dab gshog la brten nas/ /yin lugs byung tshul nam mkha'i phyogs de mthong / /mkha' la rlung ltar 'dzin chags kun las grol/ /zla ba nya ltar yon tan gsal la rdzogs/ /sa chen ji bzhin yon tan malus gzhi/ /snga rabs 'das pa'i rnam thar 'di la dad/ /nor bu rin chen rin thang med pa yang / /blun po rnams la rdo dang mtshungs zhes grags/ /skal med ngan pa'i spyod la goms rnams kyis/ /byung tshul 'di la cir yang mthong mi 'gyur/ /sa la gser dang shing la tsan dan dang / /rta la cang shes mi la 'khor los bsgyur/ /mchog tu gyur cing dkon pa ji lta bar//lo rgyus 'di mchog 'di la mos pa dkon/ /yon tan rgya mtsho thub bstan rin chen mdzod/ /thugs rje nyi ma 'gro ba kun la snyom/ /lo rgyus rin chen mkhas pa kun gyi rgyan/ /brgyud ldan skyes mchog dam pa rnams la yang / /dad gus sems kyis zhabs la spyi bos 'dud/ /ma dag skye bo kun spyod 'dam las brgal/ /sangs rgyas dgyes pa'i lha spyod dpal gyis mdzes/ /rigs ldan bung ba'i tshogs rnams tshims mdzad pa/ /byang chub 'di ni gsal ba'i me tog yin/ /yon tan rgya mtsho'i lo rgyus me tog pad mos blangs/ /shes rab lag pas dran pa'i skud pa la/ /tshig sdeb rin chen me tog 'phreng ba 'di/ /rang sems dad pa'i mgo la tod du bcings/ /'di bkod dge ba dri med kun tu dag /rnam thar rin chen 'phreng ba de bzhin du/ /rgyal sras 'dus pa'i chos kyi dga' ston la/ /rnam mkhyen rgyal ba'i drung du 'tshog par shog / dang po bka' bsdu ba gsum gyi yon bdag chen po gsum gyis mdzad pa nas/ gzhan yang / rgya gar dang / kha phye dang / o rgyan dang / li yul dang / khu sen dang / bal yul dang / rgya nag dang / 'jang yul dang / mi nyag yul la sogs pa rnams su'ang / chos dang ldan pa'i rgyal po/ rgyal po ma skyes dgra dang / chos rgyal mya ngan med pa dang / chos rgyal gzugs can snying po dang / chos rgyal ka ni ka la sogs pa mang pos/ rang rang gi yul du dam pa'i chos dar zhing rgyas par byas so/ /de bzhin gshegs pas nges par lung bstan pa/ /byang phyogs kha ba can gyi ljongs 'di ru/ /'dul dka'i skye bo dpag med srid las sgrol/ /rigs gsum mgon dang byams mgon 'phags la sogs/ /sangs rgyas byang chub sems dpa' thams cad kyi/ /thugs rje'i rnam 'phrul bod kyi rgyal po ni/ /mes dbon rnam bzhi la sogs rim pas byon/ /'das dang ma 'ongs kun tu khyab pa yis/ sangs rgyas kun gyi rnam thar bsam mi khyab/ /byang chub sems dpa'i rnam thar bsams pa/ /nyan thos rang rgyal rnams kyi rnam thar bsam yas so/ /dgra bcom rgyun du zhugs kyi rdzu 'phrul dpag yas so/ /rig pa 'dzin pa rnams kyi mthu stobs dpag tu med/ /gang zag khyad par 'phags pa'i bsod nams bsam las 'das/ /rkang gnyis gtso bo de la phyag 'tshal lo/ /gang la gang 'dul de la der ston pa/ /thub pa chen po'i drung du rnam par sprul/ /'gro drug mun sel 'gro ba 'dren mdzad pa/ /mgon po spyan ras gzigs la phyag 'tshal lo/ /lha dbang brgya byin tshangs pa chen po dang / dbang phyug chen pos kyang ni 'gro