ba 'dul/ /mdzad pa mtha' yas khyod la phyag 'tshal lo/ /rgyal blon byang chub sems dpa'i rnam thar 'di/ /mgo rtsa bsgrigs pa 'di rnams gang gis byas/ /lho brag dpal gyi dgon par gcig pu ru/ /sems can kun la brtse ba'i thugs rje can/ /bdud ratsi zhig po zhes pa'i 'khrul zig dam pa dang / 'jig rten mgon po rin po che/ /rgyal ba'i sras po mthu bo chos ye yis/ /yang yang bskul ma btab pala'i ngor byas nas/ /bka' gter mang po ji snyed legs gzigs nas/ /nyang ban nyi ma 'od zer bsam pa dwangs pas byas/ /rang bzo ra chod ras gcod spangs te yi ger bkod/ /de yang rgyal po chems kyi yi ge 'di yang / mthong ba dang / thos pa dang / rnyed par bka' dka' bas te/ ji ltar bka' dka' na/ sngon bsod nams bsags pa'i gang zag ma yin pas mi thos/ /dad pa yang mi skye/ skal ba dman pas mi go/ ye shes kyi mkha' 'gro mas lung bstan pa ni/ dpal ldan a ti shas ra sa 'phrul snang gi gdung bar nas rnyed pa rgyal po ranams kyis mdzad pa'i bka' rtsis chen po dang / btsun mo rnams kyis mdzad pa'i dar dkar gsal ba'i me long dang / blon po rnams kyis mdzad pa'i zla ba'i 'dod 'jo rnams dang / yang jo bo rjes/ bsam yas arya pa lo'i gling nas dang / gra pa mngon shes can gyis bton pa dang / la ston gnyag ston grub thob dngos grub kyis thugs rje chen po'i gtsang kang rta mgrin gyi 'og nas bton pa dang / nyang ral pa can kho bos bsam yas dang / khra 'brug dang / mkho 'thing lha khang nas bton pa'i gter yig dang / dus phyi dar gyi lo rgyus rnams dang / bod dang sngags dang mtshan nyid grwa sa kun la mkhas pa rnams kyi snyan du grags pa'i gsung dang / gtam rgyud ma nor ba dang / rgyal rabs gsang ba chos lugs dang / sgrag pa bon lugs/ rkyang pa/ khug pa/ sbags sbas pa gsum/ rgyal blon gab pa/ yun po gser skas dgu pa/ zings po sna tshogs can/ de rnams kyi don dang ston pa'i gsung rab las byung ba dang / bla ma dam pa rnams kyi bka' lung dang / rgyal po'i gsung rab las byung ba dang / bla ma dam pa rnams kyi bka' lung dang / rgyal po'i bka' chems/ so so skye bo'i bden pa'i ngag smra ba rnams/ 'dul ba dang / bstan bcos dri ma med pa las byung ba dang / de rnams kyi nang nas bsdus te/ nges don gtan la phab/ lhad ma bcug sgro ma btags/ skur ba ma btab/ gra chag zur nyams su ma btang / bka' mdo rgyud rnams dang / bstan bcos man ngag kun nas gtan la legs par phab ste bsdebs pa lags so/ /'gal 'phrul nyes pa'i dri ma mi bdog pas/ /'di la rtsod pa byed 'gyur mi dad na/ /log rtog phrag dog can la bzod par gsol/ /lhag chad ma snyems dag nyes pa mchis srid na/ /chos kyi spyan ldan mkhas pa rnams dang ni/ /ye shes spyan ldan tshogs la bzod par gsol/ /bstan pa'i gsal byed lags pas gzigs mo mdzod/ /rmongs pa brtol col ma smra mdo rgyud ltos/ /snga rabs makas pa rnams kyang de ltar gsungs/ /'phags pa'i sprul pa mnyam med 'gro ba'i dpal/ /chos kyi rgyal po 'gran zla med pa yis/ /sprul pa'i rgyal po mdzad pa yongs su grags/ /mi nub bstan pa'i rgyal mtshan che po yi/ /yon tan mang po brjod palar ma nus kyang / /rigs rgyud dbon sras rim pa zhib par bkod/ /kun dang thun mong ma