lags rtsis su mdzod/ /dkon na rin thang che ba bod kyi lugs/ /deng sang dus na gna' gtam rnying par rtsi/ /bka' dang mdo rgyud gong ma'i gsung la smad/ /gzu lum ra chod ras gcod dam pa'i chos la smra/ /sdig dang sdug la dge ba'i rtsa bar re/ /kye ma 'khrul rtogs can la ji ltar bgyi/ /'on kyang bshes gnyen rnams kyi bka' drin gyis/ /theg chen chos la nges shes skyes pas na/ /sems can don du 'di bris bsod nams kyis/ /kun kyang dge bar myur la sangs rgyas shog / chos 'byung gi lo rgyus mi 'dra ba mang du snang yang / la la ngan smras/ la la zhe 'dod/ la la bsdus pa/ la la le tshe/ la la bcos ma yin te/ 'di ni sel med rnal ma yin/ legs par bzung la legs gyis/ /legs par slobs la mkhas par mdzod/ /so so skye bos bkod rnams 'khrul ba srid/ /gzhung lugs rnal ma thogs pa shin tu dkon/ /man ngag kun la yod na mkhas pa su yis byed/ /yi ge gzhan la ma ster blo la bzung la shod/ /bris nas snod du bcangs na bang mdzod nor bu yin/ /ya rabs rnams la dgos kyis thugs la zhog /bka' rtsis yi ge zhib par zhabs btags pa/ /dpe la dog la bshad la yangs su mdzod/ /ngo mtshar che ba gzigs pa rnams kyis mdzod/ /bshes gnyen rnams la sde snod mang du thos/ /chos dang chos min 'byed pa'i blo gros yod/ /dam tshigs legs srungs lta ba dag par rtogs/ /nang ban nyi ma'i 'od zer 'di skad smra/ /sangs rgyas bstan pa rin po che'i/ /shAkya seng ge'i gsung rab rnams/ /grub chen mkhas pa kun gyis ni/ /rgya gar yul du gsal bar mdzad/ /de nas gangs ri'i khrod 'di ru/ /rigs gsum rnam sprul rgyal po ni/ /mes dbon rnam gsum bka' drin gyis/ /skad gnyis smra ba rnams kyis bsgyurd/ dang po dag cing dar bar mdzad/ /de rjes glang dar bas bsnubs/ /de nas stod smad gnyis nas dar/ /byang sems ldan pas gsal byas kyang / /deng sang longs spyod dar ba'i dus/ /dam chos rin chen nub la khad/ /de nyid gsal bar byed 'dod pas/ /bdag gis sbas pa bton/ /skal ldan gcig dang 'phrad 'gyur gsungs/ /chos lugs ma nor bzung bar bya/ /legs par rtogs la mkhas pa yin/ /dri med dag pa'i dam chos la/ /dus gsum sangs rgyas thams cad kyi/ /dgongs don zab mo 'grub par 'gyur/ /des na brtson 'grus chen po yis/ /bka' lung dri ma med pa la/ /dad ldan rnams kyis 'jug par rigs/ /thos bsam sgom gsum mthar ru phyung / /mkhas pa rnams kyis bshad pa 'di/ /nyams su blang gi rmongs pa'i gdams ngag spongs/ /zhes so/ /mangga laM bha wantu/ /dge'o// //