skabs de'i bod kyi spyi tshogs hril po'i lo rgyus la zhib 'jug byed pa'i ched du yin pas/ spyir na'ang rdo'i lag cha dang / rus pa dang / rdza chag dam dum la brten nas zhib 'jug byed pa las yig rigs la brten na zhib 'jug byed bde ba ni shod ma dgos pa red/ des na nyang gi chos 'byung 'di'ang mi lo brgyad brgya lhag gi gong nas byung ba'i bod kyi lo rgyus rnying khungs shig yin pas de la khyad chos bla na med pa zhig yod pa shod ci dgos/
khyad chos gnyis pa ni/ khong gi chos 'byung la rang res zhib tu bltas na grub mtha'i phyogs 'dzin gyi skyon gyis lo rgyus bslad med pa de gsal po mthong thub/ de'i rgyu mtshan ni skabs de'i bod kyi lo rgyus ni bod sil bur gyur te/ bod nang khul du 'khrug rtsod kho na yod pa las/ bod kyi bla dpon tsho zung sbrel gyis phyi nas rang rang gi rgyab rten re btsal te/ de la brten nas ched du chos srid kyi phyogs res ches cher spel med pa de yin/ dper na rang re bod kyi lo rgyus thog sprul pa'i sku ngos 'dzin byed pa'i srol yang / nyang ral nyi ma 'od zer 'das nas mi lo dgu bcu go bdun pa/ bod kyi rab byung lnga pa'i sa pho byi ba'i lo/ spyi lo 1288 lor karma pa sku 'phreng gsum pa rang byung rdo rje karma pakShi'i yang srid du grub thob o rgyan pas ngos 'dzin gnang / des na bod du sprul sku ngos 'dzin byed pa'i srol de thog mar bka' brgyud pa la byung / de nas rim bzhin rnying ma dang / sa skya/ dge lugs bcas su sprul sku ngos 'dzin byed pa'i srol de phan tshun 'gran pa lta bu'i dar khyab btang ste mthar sprul sku che 'bring chung gsum dang / bla brang che 'bring chung gsum gyis bod yul gyi mtha' dbus kun khengs pa lta bu zhig tu gyur pa red/ spyir yang bod du grub mtha' 'dra min byung ba'ang / bstan pa phyi dar gyi rjes la byung ba dang / nyang nyi ma 'od zer yang / bstan pa phyi der gyi skabs su byung ba yin mod/ nyang ral 'khrungs skabs jo bo rje 'das nas lo drug cu re drug las phyin med pa dang / skabs der bka' gdams la gsar rnying gi dbye ba'ang med pa yin/ bka' brgyud pa'i bstan pa'i 'byung gnas mar pa lo tsA 'das nas lo nyer drug las phyin med cing / rje btsun mi la ras pa 'das nas lo gnyis par/ nyang ral 'khrungs pa yin pas sa skya'i grub mtha' dbu tshugs pa tsam las chos srid gnyis kyi 'phrin las dar rgyas byung med/ de bzhin rgyal ba gnyis pa tsong kha pa blo bzang grags pa'i dpal ni/ nyang ral 'das nas lo gnyis brgya dang sum cu so gsum par 'khrungs pa yin pas/ bka' gdams gsar ma'am dge lugs pa'i grub mtha' zhes pa ni skabs der ming tsam yang med/ bod du chos lugs ni dar rgyas che ba'i sgang yin/ gong gsal rgyu mtshan de tsho'i dbang gis lo rgyus shod pa'i zhor du grub mtha'i phyogs 'dzin gyis phan tshun bar dgag bzhag dang / zur za'i gtam sogs kyis lo rgyus bslad med pa de ni khyad chos chen po zhig yin/
khyad chos gsum pa ni/ dar ma 'u dum btsan gyis chos snub pa'i dus 'o bran dpal gyi gzhon nu dang / snubs sangs rgyas ye shes dang / de'i sras drug gi tshul ji ltar gyur pa lta bus mtshon skabs de'i mi sna grags can khag gcig gi skor dang / bsam yas gtsug lag khang gi gnas stangs/ de bzhin btsan po'i gdung