rgyud phyogs su gyes pa dang / khri skyid lde nyi ma mgon gyis mnga' ris btsad po'i srid dbang ji ltar btsugs pa'i skor sogs bod kyi lo rgyus yig cha gzhan dag gi nang ma 'khod pa'am/ zhib cha ma 'khod pa'i don mang po zhig chos 'byung 'di nyid kyi nang nas mthong thub pa de yin/
khyad chos bzhi pa ni/ chos 'byung gi tshig sbyor rnams chos lugs dang / snyan ngag mngon brjod sogs kyis ma bcings par go bde ba de yin/ gong du bshad pa ltar spyir na skabs der bod du chos lugs dar rgyas che ba'i skabs yin na'ang / rgya gar gyi snyan ngag me long ma bod du ma dar gong gi bod rang gi snyan tshig go bde'i tshig sbyor gyi rnam pa gsal po yod pa dang / tshigs bcad rnams kyang rkang pa re'i nang du tsheg khyim gyi grangs gcig tu ma nges par ci rigs shig yod pa ste/ chos 'byung 'di'i mjug byang du 'di ltar 'khod yod pa chos 'byung gi lo rgyus mi 'dra ba mang du snang yang / la la ngan smras/ la la zhe 'dod/ la la bsdus pa/ la la le tshe/ la la bcos ma yin te/ 'di ni sel med rnal ma yin/ legs pa zung la legs par gyis/ legs par slobs pa mkhas par mdzod/ so so'i skye bos bkod rnams 'khrul pa srid/ gzhung lugs rnal ma thogs pa shin tu dkon/ man ngag kun la yod na mkhas pa su yis byed/ ces dang / yang mjug byang du/ rgyal blon byang chub sems dpa'i rnam thar 'di/ 'go rtsa bsgrigs pa 'di rnams gang gis byas/ /lho brag dpal gyi dgon par gcig pu ru/ /sems can kun la brtse ba'i thugs rje can/ /bdud rtsi zhig po zhes pa'i 'khrul zhig dam pa dang / /'jig rten mgon po rin po ches/ /rgyal ba'i sras po mthu bo chos ye yis/ /yang yang bskul ma btang pa'i ngor byas nas/ /bka' gter mang po ji snyed legs gzigs nas/ /nang ban nyi ma 'od zer bsam pa dang bas byas/ /rang bzo ra chod spangs te yi ger bkod/ / ces sogs kyi tshig sbyor gyi 'gros ni go bde zhing rnying nyams dod po yod cing / yi ge ma dag pa mchis kyang de ni zhus dag nan po zhig ma byung ba yin las che/ nyang ban nyi ma 'od zer 'das rjes gzhi nas rgya gar gyi snyan dngags me long ma bod du byung ba yin pas/ me long ma'i shan zhugs kyang med pas bod kyi rtsom rig rnying pa la zhib 'jug byed par phan thogs yod pa zhig red 'dug
chos 'byung 'di nyid rtsom pa'i khungs gtugs sa ni/ ban bon gnyis kyi lo rgyus khag la gtugs pa las/ phyogs re ba tsam yang min pa ni 'di'i mjug tu bod kyi sngags dang mtshan nyid grwa sa kun la mkhas pa rnams kyi snyan du grags pa'i gsung dang / gtam rgyud ma nor ba dang / rgyal rabs gsang ba chos lugs dang / sbrags pa bon lugs/ rkyang pa/ khug pa/ sbags pa gsum/ rgyal bna gab pa/ yun po gser skas dgu pa/ zings po sna tshogs can/ de rnams kyi don dang / ston pa'i gsung rabs las byung ba dang / bla ma dam pa rnams kyi bka' lung dang / rgyal po'i bka' chems/ so so skye bo'i bden pa'i ngag smra ba rnams la 'du ba dang bstan bcos dri ma med pa las byuung ba dang / de rnams kyi nang nas btus te/ nges don gtan la phab/ tshig gi lhad ma bcug sgro ma btags/ skur ba ma btab/ gra chag zur nyams sa ma btang / bka' mdo rgyud rnams dang / bstan bcos man ngag kun nas gtan la legs par phab nas bsdebs