blangs pa dam du bcas pa rnams kyi nang nas/ gtso bo lngas khas blangs so/ /dge slong rab tu byung ba rnams kyi gter lha'i dbang po brgya byin gyis gyis shig ces gtad do/ /rgyal po chain po bzhis phyogs skyong ba bcu la las bcol/ phyogs skyong bcus bar snang la spyod pa'i lha klu dri za rnams la bskos te gtad do/ /des sa 'og sa steng gi lha klu rnams la bcol te gtad do/ /de dag ni nyan thos dang skye bo rnams kyis mthong ba yin no/ /'bras bu byang chub sems dpa' rigs ldan rnams dang / rdo rje theg pa'i rig pa 'dzin pa la gnas pa'i skal ldan rnal 'byor pa rnams kyis nang gi dam can rnams la bka' bsgos te/ dpa' bo dang rnal 'byor ma/ ma mo dang / mkha' 'gro/ shugs 'gro/ dbang mo dang / gying dang / pho nya dang / srin mo dang / srin po dang / 'bar ma dang / sa bdag mo dang / lang ka dang / bstan ma dang / skyong ma dang / g.ya' ma dang / ga' ri dang / gangs ri mo nyi shu rtsa gcig dge bsnyen nyi shu rtsa gcig dang / phug bdag dang / se mo la sogs pa/ gzhan yang phyi thun mong pa sde brgyad yan chad la bskos te bka' bsgos/ bstan pa srung bar gnyer gtad do/ dpang por gsang ba'i bdag po dpal phyag na rdo rje bzhag ste/ srung ma rnams kyi lag tu rdo rje byin/ brten gtor dang / gtsang gtor dang / 'byung gtor ster bar khas blangs/ bka' bsgos te/ de thams cad dam tshig las mi 'da' bar mdzad nas bcom ldan 'das kyi bka' bsgo'o/ /bskal bzang po'i sangs rgyas stong po'i bstan pa thams cad gsang ba'i bdag po dpal phyag na rdo rjes srung bar gsang ba bsam gyis mi khyab pa'i mdo las bshad pas/ srung ma rnams kyi gtso bo ni mthu stobs kyi bdag po dpal phyag na rdo rje 'chang ba yin no/ /sangs rgyas kyi bstan pa'i bya ba gsum kas byed pa ni/ 'khor rnam bzhi yin la/ de'i nang nas kyang dge slong gi dge 'dun 'dul khrims rnam par dag pa srung ba rnams yin/ 'jam dpal rtsa rgyud las/ sangs rgyas bstan pa rin chen sgron/ /'bar ba'i snod ni dka' thub can/ /ngur smrig 'dzin pa shAkya'i sras/ /dge slong rnams ni yin phyir ro/ /zhes gsungs pa las/ sangs rgyas kyi gdung 'tshob par 'dzin pa ni/ byang chub sems dpa' rnams yin te/ lhag pa'i bsam pa rnam par dag pa'i thugs kyis bdag pas gzhan gces par 'dzin pa'i gang zag khyad par can rnams yin la/ sangs rgyas kyi bstan pa gnas pa'i yul ni/ 'di dag na yod par bshad de/ 'dzam bu gling gi yul rgya gar dang / sing ga la dang / sa la dang / li'i yul dang / bru zha'i yul dang / gru gu dang / bod yul kha ba can dang / 'jang yul dang / mi nyag dang / yu gur dang / ka mi log dang / gser zhes pa'i yul dang / grong khyer spre'i gnas dang / byang phyogs shamabha la'i yul dang / gling phran rnams las/ gser gling dang / za ba'i gling dang / kam ma tshe'i gling / ma la ya'i gling dang / zangs gling dang / sing ga la'i gling rnams la bstan pa yod do/ /ka ba le'i gling na yang bstan pa yod do/ /gzhan yang dpal dus 'khor lo dang / bka' rdzogs pa chen po nas gling gsum dang / gling phran brgyad dang / lha dang klu'i gnas na yang bstan pa yod par gsungs so/ /lung gi chos rnams 'chad nyan bris klog gis bar la byang chub phyogs kyi chos sum cu rtsa bdun