gyi sgo nas lam bskyed rdzogs gnyis la dbang ba sgrub pa byed pa rnams kyis bstan pa 'dzin yin te/ dam chos mngon pa mdzod las/ ston pa'i dam chos rnam gnyis te/ /lung dang rtogs pa'i bdag nyid do/ /de 'dzin byed dang smra byed pa/ /sgrub par byed pa kho na yin/ /zhes bshad pa'i phyir ro/ /dus ring zhig nas kha ba can gyi sems can rnams chos kyis 'dul ba la dus ji tsam zhig na/ sangs rgyas kyi nyan thos rnams ni/ phung po lhag med du sangs rgyas/ sa la gnas pa'i byang chub sems dpa' rnams ni zhing khams gzhan du 'gro don la gshegs/ de'i phyi de'i dbyar a su ra'i brag phug tu dgra bcom pa lnga brgyas sde snod gsum du bsdus nas/ de rnams shog dkar la brjed tho yi ge ris su bkod nas bstan pa'i bdag po ni dge slong gi dge 'dun no/ /de mi nub pa'i rgyal mtshan lo lnga lhag tsam na/ a su ra'i brag phug tu dgra bcom pa lnga brgya tsam 'tshogs nas/ bka' 'khor lo dang po dgongs pa 'grel pa byed brag tu bshad pa bam po sum brgya pa brtsams so/ /bstan chos la de snga ba yin no/ /de nas sangs rgyas sku mya ngan las 'das nas lo bzhi brgya na/ slob dpon klu sgrub byon nas/ bka' 'khor lo bar pa'i 'grel pa/ dbu ma rtsa ba shes rab la sogs pa rig pa'i tshogs drug brtsams pa lags so/ /de nas lo dgu brgya na/ slob dpon thogs med sku mched byon nas bka' 'khor lo mtha' ma'i dgongs pa 'grel pa nges pa'i don ltar bkral lo/ /gzhan yang mkhyen pas bstan pa rgyas par mdzad pa ni/ klu sgrub yab sras/ thogs med sku mched/ phyogs glang chos grags te/ 'dzam bu gling gi rgyan drug dang / mchog brgyad du gnyis su grags pa'i gang zag mkhas pa rnams yin no/ /dbang phyug gis bstan pa srung zhing rgyas pa ni/ chos rgyal mya ngan med pa la sogs pa chos rgyal byang chub sems dpa' rnams so/ /nus mthus bstan pa srung zhing rgyas pa ni/ rnam la 'byor gyi dbang phyug 'bir ba pa'am/ rgyal sras pad ma 'byung gnas la sogs pa grub pa brnyes pa'i rnal 'byor chen po grub chen brgyad cu rtsa lnga la sogs pa yin no/ /sangs rgyas bcom ldan 'das kyi bka' mdo rgyud dri ma med pa'i po ti glegs bam rnams ji ltar rgyas shing / gsang sngags rdo rje theg pa'i rgyud sde chen po rnams rig pa 'dzin pa mi dang mi ma yin pa rnam pa gnyis la ji ltar brgyud pa'i tshul ni/ dpal rdo rje gdan gyi shar lho'i mtshams na/ ri ma la ya zhes bya ba gsang ba'i bdag po dpal phyag rdor gyis byin gyis brlabs pa'i sa/ chos 'dzin rigs kyi grub gnas/ rdo rje thabs kyi lta ba'i yul du gyur pa drag shul gnam lcags 'bar ba yod pa'i rtse la/ sdong po dang / yal ga dang lo 'dab rgyas pa/ me tog dang 'bras bu smin pa/ ri dwags kyi rgyal po seng ge 'dug pa'i gnas su gyur pa/ 'dabs na gcan gzan dpa' brtul stag gi gnas yod pa/ ngos la brag dkar seng gi 'gyings pa 'dra ba yod pa/ de'i shar ngos la a su ra'i brag phug ces bya ba rang byung gi sgo zla gam la/ ngo mtshar gyi ri mo ya mtshan can yod pa/ phug tu rin po che zur brgyad ma la/ nyi zla'i gzugs brnyan rang snang ba/ yang thog rim pa gsum dang ldan pa/ rtse la bya ka lan dha ka gnyis med gcig tu smra ba'i tshang yod pa/ ri dwags mdzes pa mang po sna tshogs rgyu ba/ ljon shing gar