mchod pa phul/ skor ba byas nas/ tshe rabs sngon nas bsgrubs pa'i lha/ /las 'phros 'brel ba'i yi dam khyed/ /bskal pa brgyar yang mi spong ngo / /e ma ho ngo mtshar mchog gi sku/ /'dren pa mchog 'di bdag gi dpal/ /mos pa'i lhag pa'i lha ru 'din/ /zhes yi dam gyi lhar dam du bcas nas ri 'di sgrub pa'i gnas yin pas brag phug tu spyan drangs nas/ dgung bdun dang zla ba drug tu gsol ba btab pas/ rmi lam du byung ba'i glegs bam rnams phyag tu byung ngo / /las dang thugs rje'i 'brel ba yi po ti glegs bam rnams la rab tu dgyes pala'i tshul gyis bltas pas yi ge 'bru gcig kyang ma shes te/ e ma sngar gyi tshul rtags dang sbyar na glegs bam 'di rnams la don chen po zhig yod par nges te/ bdag gis klog ma shes pa cis lan snyam ste/ spyan chab phyungs nas snod dang skal bar ldan pa shes rab can su yod byas te/ phyogs kun tu dris shing btsal bas/ rgyal po rang gi yab kyi slob ma za hor gyi rgyal po u pa ra dza bya ba rig pa'i gnas thams cad la mkhas pa dang / de bshes gnyen che'o zhes gsan pas/ lo rgyus rnams zhib tu smos nas spyan drangs pas/ rgyal rigs gdug pa che bas ma shes na mi rung snyam nas ma byon te/ lan du bdag gi 'dir glang po che la gdan drongs la skyol cig brtag par bgyi'o zhes gsungs nas/ pho nya bas de ltar bzlas pas/ bskyal te u pa ra dzas gzigs pas tshig 'bru gcig kyang brda ma 'jal nas 'di bdag gi spyod yul du ma gyur gyis/ rgyal po nyid kyi thugs kyi dgongs pas dpag par zhu zhes springs nas slar yang bskyal lo/ /de nas mkhyen pa su che dris pas/ lho phyogs dpal gyi ri phug na yab ku ku'i rgyal po/ yum skyes skra'i la ba can gyi sras dge slong ku ku ra dza zhes bya ba tshe lo stong thub pa/ sangs rgyas kyis lung bstan pa/ de bzhin gshegs pa rin chen mang gi sprul pa/ rig pa'i gnas lnga thams cad mkhyen pa de/ bshes gnyen che'o zhes gsan nas/ de nas spyan dras nas des gzigs nas brtags pas/ rdo rje sems dpa' zhal mthong gi le'ur shes nas/ rdo rje sems dpa' sgrub par rtogs te/ gsol ba btab pas zhal mthong nas/ rigs kyi bu dngos grub ci 'dod gsungs pas/ gnas skabs su po ti dang glegs bam 'di rnams shes pa dang / mthar thug tu sems can thams cad sangs rgyas thob par 'tshal lo zhes gsol bas/ rigs kyi bu rang gi phung po khams dang skye mched sbyong dang gsang ba'i bdag pos lung ston par 'gyur ro zhes gsungs nas mi snang bar gyur to/ /de nas dga' ba dang spro ba bsam gyis mi khyab pa skyes te/ sems rtse gcig tu bsgrubs pas/ sa yang cher g.yos te/ de nas rdo rje 'chang mngon sum du byon nas zhal mthong ba de nyid kyi tshe/ phyag na rdo rjes brtul zhugs mdzad de rdo rje nam mkha' la bsor zhing gdul bya'i snod kyi sgrib pa spyangs nas/ mdun gyi nam mkha' la sprul pa'i sku'i dkyil 'khor sasnang bar mdzad nas/ ku ku ra dza dang / rgyal po dza dang bcas pa la dbang bskur nas/ rjes su gnang ba byin pas rgyud sade kun mkhyen par gyur to/ /dge slong ku ku ra dzas rgyud sde chen po bzhi dang / drug dang / bco brgyad du phye nas rgyal po dza la bshad do/ /des tshom bu 'bum dang bcas te tshogs bsgrubs pas dngos grub rnam gnyis brnyes nas/ i?dra na bo dhi la sogs