ma sgom pa'i drung du/ ral gri khrag can der bor bas/ rjes gcod pa 'ded mi rnams na re/ dge sbyong 'dis dang po bud med kyi smad nyos/ de nas bsad do zhes ma brtags par smra bar byas pas/ gau ta mas ngas gang yang ma byas so zhes byas pas/ slar rdzun dang min gsum smras pa 'di la/ chad pa bya bar rigs so/ /zhes nas/ rgyal po'i snyan du gsol bas/ rgyal pos gsal shing la skyon cig ces smras nas/ sdug bsngal ba de mkhan pos shes nas gau ta ma'i drung du 'ongs nas bu khyod la nyes pa de lta bu yod dam zhes dris pas/ bdag la nyes pa de lta bu gang yang med do zhes pa dang / khyed la dpang po su yod ces pa dang / nga la dpang po gzhan med do/ /nyes pa med na/ nam mkha'i mdog gser ltar gyur cig ces bden pa'i dmod pa smras pa dang / der nam mkha' gser du gyur te/ drang srong yang gser mdog can du gyur to/ /drang srong gser mdog tu grags so/ /gau ta mas drang srong gser mdog la bdag skye ba phyi ma gang du skye zhes dris pas/ bu khyed la bu med pas skye mi srid de/ rigs rgyud med pa la byang chub kyang med do/ /khyod kyis rigs rgyud bzhag na skye ba yod do zhes smras pas/ bdag tshad pas gduung bas nus pa med/ mkhan pos sprin bsdus char phab/ rlung ser bu bslangs te/ tshad pa zhi ba dang / tshul bzhin bya ba ma yin par/ 'khrig pa'i 'dod chags yod pa dran par byas pa dang / khu ba'i sa bon thigs pa gnyis khrag dang lhan cig bu ram shing gi tshal du lhung bas bsam gyis mi khyab pa'i gnas dran te/ bdag dang 'jig rten dang sems can rnams kyi gnas min dang / sangs rgyas rnams kyi yul sems pa'o/ /de nas thigs pa de gnyis sgo nga gnyis su gyur nas/ nyi ma shar ba'i dus su 'od zer gyis grol cing smin nas/ sgo nga brdol ba las/ de la khye'u gnyis su gyur to/ /skyed bsrings te/ nyi ma'i gnyen dang / bu ram shing pa zhes bya'o/ /de gnyis nyi mas smin pas/ nyi ma'i rigs zhes drang srong gau ta ma'i bu yin pas/ gau ta ma zhes ming gnyis pa'o/ /rang gi yan lag la skyes pas na/ ming gsum pa yan lag skyes so/ /bu ram shing gi gseb nas rnyed pas/ bu ram sing skyes zhes ming bzhi pa'o/ /skabs der bha ra dhwa dza shi/ de la bu med/ der 'bangs rnams kyis gros byas te/ gcen po gau ta ma rab tu byung ba de/ khyim du phab la rgyal tshab tu dbang bskur ro zhe zer nas/ drang srong mdog nag la/ gau ta ma bdag cag la rtsol zhes zhus pas/ khyod rang gis bsad do/ /de dag gis smras pa/ ma dran no/ /drang srong gis smras pa/ nyes pa med par gsal shing la skyon pa de yin no/ /khye'u 'di gnyis su zhig yin smras pa/ gau ta ma'i bu'o/ /'di gnyis nged la stsol cig zer nas nyi ma'i gnyen rgyal srid la dbang bskur ro/ /de'i rgyud grong khyer de nyid du byung ba'i dus su der rgyal po bu ram shing pa la bu gsum byung / bu mo gsum skyes pa dang / btsun mo shi bar gyur pas/ rgyal po mya ngan ma sangs so/ /blon po kun gyis rgyal po chen mya ngan ma byed/ de tsam ci'i phyir byed zhus pas/ nga'i btsun mo dam pa shi'o zhes smras pas/ da dung btsun mo blangs pas chog zer/ da ster ba mi yong / sngon ster ba las/ da mi ster ba ci nyes zer/ de nga la bu gsum yod pas/ rgyal bu skyes kyang rgyal srid mi thob