[A:99]yar zhal bdag mdzad pa'i steng nas ra mo cher smon lam zhag bdun nam yang mi chad pa'i rgyun chags 'dzugs pa dang / grwa tshang kha yar la chos gzhi lo lo bzhin 'gyogs pa mdzad/ sras mo gzhon pa sna dkar rtser byon/ sras mo 'bring po sangs rgyas dpal 'dzoms mas sne'u bzung ba'i steng nas/ dpon sa sde srid kyi bdag mo mdzad de/ rin po che las grub pa'i bka' 'gyur sogs sku gsung thugs kyi rten bzhengs pa dang dge 'dun gyi zhabs [B:102a]tog bzang po grub/ ji skad du/ dge las mdzad pa rnams las skyid shod du nang so gong ma rnam pa'i shul cher ma byung zer ro// smras pa/
rgya gar rgya nag byang phyogs sham bha la/ /
hor bod rgyal po'i rabs dang bod yul du/ /
rgya hor bstan pa byung tshul gsung sa pa la/ /
'phros pa'i dbus gtsang khri skor bcu gsum dang / /
khyad par phag mo gru pa'i sde srid kyi/ /
chags rabs shin tu rgyas pa'i deb ther zhig /
cis kyang dgos zhes thag ring yul ljongs nas/ /
blo gros ldan pa zung gis bskul ba las/ /
mang du thos kyang sgrub la g.yel ba yi/ /
shA kya'i dge slong smra mkhas shig gis sbyar/ /
tshe 'di'i bsnyen bkur rnam g.yeng rgyang sring ste/ /