[A:1]/[B:1]/ rgyal rabs 'phrul gyi lde mig gam deb ther dmar po'am deb gsar ma zhes bya ba bzhugs so/ /
[B:1a]/ /rgyal rabs 'phrul gyi lde mig ces bya ba'i deb ther gsar ma/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas khrims gnyis kyi bdag po la phyag 'tshal lo/ /
mkhyen gnyis gser gyi 'khor lo yis/ /
'jig rten gsum la dbang bsgyur zhing / /
phas rgol bdud bzhi las rgyal ba/ /
kun mkhyen chos kyi rgyal por 'dud/ /
lo rgyus nor bu'i dkor mdzod nyid/ /
legs par phye nas lugs gnyis kyi/ /
lo rgyus smra 'dod mtha' dag [B:2]la/ /
rgyal rabs 'phrul gyi lde mig byin/ /
de la 'dir sa chen po skyong ba'i rgyal rabs mdo tsam brjod na lnga ste/ rgya gar gyi rgyal rabs/
sham bha la'i rgyal rabs/ bod kyi rgyal rabs/ rgya nag dang hor gyi rgyal rabs/ bod du rgya hor gyi lung byung tshul lo/ /