[A:108a]'das/ da lta rtsa bdun pa'o/ /'di dang rgya gar gyi slob dpon rnams kyi rabs/ rgya nag gi yig tshang / gdong dmar can du bstan pa dar ba'i dus kyi lung bstan kun mthun/ rigs ldan nyi shu rtsa lngar 'dod pa dag la lo grangs brgya brgyar chos ston pa dang / kla klo'i gnas tshad stong brgyad brgyar gsungs pa gnod pas lo brgya pa gcig 'grig mi thub pa'i skyon yod do/ /da ni de 'phags pa'i yul dbus su spyan drangs la dus 'khor ba kun tsi lu paNDYi tar zhal mthun/ de dang dus zhabs pa gcig gam mi gcig la mi mthun/ ra pa rnams mi gcig tsi lu pa la slob ma tha mal pa gcig rgyal ba'i 'byung gnas sbas pa zer ba'i grub thob gcig bhang ga lar 'khrungs pa'i paNDYi A tsArYa zhes pa gcig ste gsum byung / phyi mas dus zhabs chen po la'o zer/ 'bro/ tsa mi/ glan lo tsA ba sogs snga rabs pa dang / phyis nags kyi rin chen rnams mthun par gcig tu bzhed/ de'i lo rgyus ni shar phyogs bhang ga la na rgyal po nye thar tan bya ba rgyal srid byed pa'i dus na/ rnal 'byor ma chang 'tshong ba zhig zla mtshan dang ldan pa'i dus su/ rnal 'byor pa mdog sngon po mig gsum yod pa lag na shing shriSha'i rdo rje thogs pa zhig byung nas chang nyos/ de'i nub 'dug ste rnal 'byor ma la chags pa spyad/ tho rangs shing gi rdo rje de kha na 'dug rnal 'byor pa mi snang / 'di nyid nges par mi yin no snyam nas rdo rje de blangs pas 'od sngon por byas nas lag pa la thim/ de nas lo dus na bu zhig byung / lo bdun lon nas mas de khrid nas rgya gar byang phyogs shambha lar phyin pas lam du dge slong gzugs bzang mdzes pa blta na chog mi shes pa zhig dang phrad/ bu 'di nga la gnang zer/ de la byin dge tshul byas/ nyi ma re la shlo ka bdun stong bdun stong zin pa zhig byung bas rig pa'i gnas thams cad dang / rgyud sde la mkhas par gyur/ dge slong de na re nga'i chos gos la 'jus shig zer/ 'jus nas lcang lo can nyi ma brtsegs pa'i khang par byon phyag na rdo rje mjal de dang shambha lar byon rigs ldan la dus kyi 'khor lo la sogs pa rgyud du ma 'grel pa skor gsum sogs nyan/ de nas log pa na dge slong de na re/ rgya gar lho phyogs su