[A:138a]gnas brtan byang chub bzang po/ smr-i ti/ kha che A ka ra siddhi/ a ti sha'o/ /b.ratal zhugs spyod pa'i sbyor lam pa lnga bcu rtsa brgyad/ gzhan paNDYi ta dang ku su lu bgrang gi mi lang ba byung lcam dpal gyi ye shes rab tu byung nas sde snod gsum la sbyangs/ nyid kyis gsang sngags kyi sgor smin par mdzad de/ mthar rdo rje 'chang dngos kyis byin gyis brlabs pa ni gu ma zhes sam/ rnal 'byor ma rus pa'i rgyan cha can zhes bya ba so sa gling gi dur khrod du bzhugs shing sku ma spangs par mkha' spyod du gshegs so/ /'di la rmog cog pas nA ro'i lcam gyi sras mo yin par byas te mi 'thad/ thams cad du nA ro pa'i lcam du grags pa yin/ grub pa'i rgyal mo'ang 'di nyid de/ gzhan du bshad pa ltar snang ngo / /che ba brgyad kyi A ka ra shAnti pa ni rig pa'i gnas thams cad la mkhas pas 'dzam bu gling na snyigs dus kyi thams cad mkhyen par grags pa/ sems tsam pa'i paNDYi ta'i gtso bo bi kra ma shI la'i shar gyi sgo skyong / des nA ro par gtugs nas bde dgyes ma yA la sogs pa gsan te bsgoms pas grub pa thob par grags so/ /dpal zhi ba bzang po ni rig pa smra ba'i khyu mchog chen po zhig yin/ khyad par chos kyi pa'am/ 'gro bzang snying po zhes grags pa rdo rje theg pa'i glegs bam chen po de la ma yA/ nA ro pa la bde dgyes rgyud sde mang du thos pa/ mar pas/ rgyud gnyan po rnams kyi gter bdag po/ /dpal zhi ba bzang po dngos dang mjal/ /zhes gsungs/ mthar b.ratal zhugs kyi spyod pa la zhugs te lho dug mtsho khol ma'i gling / shing ting ting khun pa'i drung na bzhugs pa/ mai tri pa 'og tu 'chad/ kha che'i mkhas pa byang chub bzang po mdo sngags thams cad la nA ro pa la gtugs pa kun gyis bkur ba'i paN chen grub pa thob par grags pa/ jo bo rje dang rdo rje gdan pa'i bla ma de yin/ dpal Dombi pa ni jo bo nA ro pa nags gseb tu rtswa'i spyil po bcas te sgom pa na/ ba lang rdzi'i khye'u zhig yar 'ong dus de la phyag byed/ phyir 'gro dus phyag byed pas/ shin tu gus par gzigs nas/ res shig chang ka pA la gang gnang ste 'di 'thung gsungs pas/ lhag ma med par 'thungs pa'i mod la sku gsung thugs ye shes kyi rdo rje byin gyis brlabs pas chos thams cad skad cig la