[A:143a]bdun btab na phan gsungs pa jo bo bod du 'byon pa'i rgyu gcig ni de yin no/ /dpal nA ro pa'i slob ma b.ratal zhugs kyis spyod pa'i rnal 'byor pa lnga bcu rtsa brgyad las/ bzhi mar pa'i bla ma yin te/ ku su lu che chung / penda pa/ kanda pa'o/ /dang pos dbu skra gsil te bsrung 'khor rtsar bzhag pa khwa tas khyer ba lta stangs mdzad pas sa la lhung ba sogs lta stangs bzhi grub/ chung bas ral gri/ gser 'gyur/ mchil lham/ mig sman te thun mong gi grub pa bzhi thob/ penda pa la mched bzhi yod pa'i dharma ma ti rgya nag ri bo rtse lngar da lta'ang bzhugs/ de'i 'og ma la a des pa chen po bal po spyi ther par grags pa de yin/ des tshogs 'khor gyi dus su snod bzed pas grong khyer ba'i chang rnams dngos su snod du 'byung / la ti bting bas bza' bca' 'byung / ting nge 'dzin gyis dur khrod nas ro'i gdan 'gugs skyel nus pa yin/ kanda pa des sbyin sreg gi thab khung du thugs dam gyi lha zhal mngon sum gzigs pa la sogs pa'i yon tan dang ldan/ mar pa'i rnam thar 'ga' zhig na penda pa spyi ther pa'i nu bor byas pa a des pa'i gcung po bal po mai tri pa'am dus 'khor pa yin/ des bde mchog ngag gi dbang phyug bsgrubs pas dngos grub che 'bring gi me tog chu las yar log kyang ma tshor/ chung ngu sgrub g.yog gis mthong bla ma la sbran pas 'dzin pa dang rtsom pa la thogs pa med pas phyis ngag gi dbang phyug tu grags/ sgrub g.yog gis kyang dngos grub kyi pham phab thob pas mkhas pa chen por gyur/ dang por bha danta/ phyis su ma ti kIrti zhes grags pa de yin/ chung bas kyang nA ro pa'i zhabs la thug tsam yin no/ /gzhan yang / nA ro pa'i slob ma pradznyyA rakShi ta/ ma na ka shrI/ ka na ka shrI/ haM bu spyi thod ces 'chad pa'i phyi ma ga ya dha ra'i sras ti bu yin no zer/ mdor na dpal nA ro pa la slob ma bsam gyis mi khyab kyang / zas gtsang sras kyi 'od srung lta bu ni rje mar pa chos kyi blo gros so/ /rje btsun mar pa'i bla ma paNDYi ta ye shes snying po/ de A tsArYa bo dhi sa twa'i slob dpon dang mtshan mthun pa tsam yin/ gzhan thog snga phyi che/ 'on kyang rig pa'i gnas thams cad mkhyen pa grub pa brnyes pa zhig go /da ni jo bo nA ro pa'i slob ma che ba brgyad kyi nang tshan slob dpon chen po mai tri pa'i lo rgyus ni/ paNDYi ta rgyal ba'i lha'am/ spyod 'chang