[A:149a]mnga' bdag gi spyan sngar phyin nas khyod kyis chang btungs pas chad pa sgrubs shig ngas ma btung khyed rang rnams kyis 'thungs so/ /der skyugs nas shes snyam skyug tu bcug pas/ mai tri pas dgyes rdor gyi man ngag byas pas khong tsho la chang skyugs/ khong rang la 'o ma skyugs/ der mai tri pa ma rangs par dge 'dun gyi dbus nas rtsig pa la thogs med du byon/ ganggA la khri brnyan sa le'i pags pa bting nas gshegs so/ /phar 'gram du thams cad kyis bzhugs par gsol bas/ bzod pa bzhes bzhugs par ma gnang / rgya gar shar phyogs ri bo me ltar 'bar ba'i dur khrod du dgon pa btab ste bzhugs so/ /skabs shig badzwa pA Ni khyod song la nye 'khor gyi slob ma rnams sdus shig gsungs nas bsdus/ de nas mchod pa rgya chen po dang tshogs kyi 'khor lo bshams nas slob ma rnams la byin rlabs kyi rten re stsal/ zhal chems gdam ngag tu gsungs/ 'khor rnams kyis lo mang po bzhugs par gsol ba btab pas sdod kyang dbang yod de/ dngos grub sgrub pa'i dus las nyams par 'gyur bas mi rung gsung / rdo rje rnal 'byor mas bsus te dgung lo bdun cu rtsa lnga la gshegs so/ /de la slob ma mang du yod kyang gtso bo che bzhi/ 'bring po bdun/ chung ba bcu ste nyi shu rtsa gcig che ba bzhi ni/ na treng ka ba/ de wa A ka ra/ rA ma pA la/ phyag na rdo rje dang bzhi/ 'bring bdun ni/ mnyam pa'i rdo rje/ mi mnyam rdo rje/ nam mkha'i rdo rje/ rol pa'i rdo rje/ dhi ri shrI dznyyA na/ a bhi yukta/ dza gang pA la'o/ /chung ba bcu/ sa kandha pa/ me go pa/ ra tsho rdor pa/ ti pu pa/ shrI nA lendra pa/ padma'i 'phreng ba/ go cha ba/ nag po pa chung ba/ shrI rna ba/ ba liM A tsArYa rnams so/ /'ga' zhig ka ro pa/ phyag na/ mar pa/ bal po shrI la bha ro rnams thugs kyi sras bzhir grags zhes kyang zer ro/ /nA ro mai tri gnyis ka'i slob ma ti phu pa ni/ yul yangs pa can/ yab paNDYi ta ga ya dha ra/ chung ngu nas rig pa'i gnas kun la sbyangs/ khyad par gsang sngags rgyud sde la mkhas shing man ngag rgya mtshor grags/ yum gnyis dang bcas te b.ratal zhugs kyi spyod pa la sogs par zhugs pa yin no/ /shrI bha dra bo dhi ni rgya gar shar phyogs manydzyu ha de Shar 'khrungs/ rten dge bsnyen rig gnas la mkhas pa/ dus zhabs pa chen po dang nA ro pa la thug de'i sras bo dhi bha dra zla med pa'i mkhas pa chen po pa dang nA ro pa las dus 'khor