[A:1a]/ /chos 'byung bstan pa'i padmo rgyas pa'i nyin byed ces bya ba bzhugs so/ // /bcom ldan 'das 'jam pa'i dbyangs la phyag 'tshal lo/ /tshogs gnyis gser gyi khams las rang byung rdzogs pa'i sangs rgyas lte ba nas/ /dam chos rtsibs stong kun tu bkye la tshogs mchog mu khyud bzang 'khril ba/ /grags pa'i gzi rgyas mkha' la bskor te sa gsum 'gro ba ma lus pa/ /phyogs las rnam rgyal chen por 'god byed dpal ldan de la phyag 'tshal lo/ /gang zhig dge legs thams cad ni/ /rtag tu sbyin bzhin 'phel 'gyur ba'i/ /thub bstan dpag bsam 'khri shing gi /ngo mtshar gleng la su mi gus/ /rnam kun 'od kyi rba klong 'khrug pa 'gyur med bai DUrYa mthing ga'i ngos/ /rig pa bye ba'i nor bu'i phra tshom lung gi pa trar sbyar ba'i phul/ /dper bya brjod dang bsam par mi nus mngon