[A:221a]nas bla mas so sa gling gi dur khrod na mkha' 'gro ma bzhugs pas der song la gdan bzhi zhus gsung / der byon rnal 'byor ma mi rus kyi rgyan cha can dang mjal/ 'di nA ro pa'i lcam ni gu mar grags pa de kha yin/ der gdan bzhi gsan/ 'di la gdan bzhi ka'i bshad pa byung / log nas bla mas gnang / tshig ches rgyas pa don khyad med par byung gzhan yang dpal singga li pa sogs bsten/ rgyud man ngag mtha' dag zhig gsan te/ rje nA ro chen pos sna drangs pa'i/ /grub thob bla ma rnams dang mjal/ /spyir rgyud sde bzhi la nyan bshad byas/ /khyad par ma rgyud mtha' dag bslabs/ /pha rgyud gsang ba 'dus pa thob/ /dang / lar dur khrod nyul ba'i rnal 'byor pa/ /shing drung gnas pa'i ku sa li/ /yongs su ma grags 'ga' yod de/ /rdzogs rim kha 'thor mang du zhus/ /ngo mtshar can gyi sgrub thabs dang / /phran tshegs gdam ngag rtsis las 'das/ /chos 'brel ba tsam gyi bla ma mang / /dpal singga li pas sna drangs nas/ /mngon shes rig pa mnga' brnyes shing / /snang ba 'gyur nges bcu gsum bzhugs/ /dang / chos smon lam gyi 'brel pa bcu gsum dang / /khyad par grub thob zhal lnga bzhugs/ /rje 'gran gyi do med rnam gnyis te/ /gtso bo paN chen nA ro pa/ /de 'og rgyal sras mai tri pa/ /der dpe rnams la gzhi 'gyur mdzad/ bla ma rnams la zhus te gtan la phab bo/ /de nas gser yang zad tshur byon pas gnyos kyi 'tsho chas kyang 'dzad nas log 'ong ba dang 'grigs nas bsdebs byon pa na/ gnyos kyi bsam pa la/ gser nga mang rung chos kho mkhas par 'dug bsam/ ngan zhugs te/ khong la khur tsa 'khur ba'i a tsa ra 'dug nas de la bslabs/ lo tsA ba bya ba khres po 'khur nas phyin na mi'i mthong mi 'byung / dpe 'di la khol zer nan che bas dpe khres a tsa ra la gtad pas/ des gangga'i dbus su chu la shor skad byas te bskyur/ chu khar a tsa ra bzung nas rgyal po la gtug byas pas/ gnyos kyis bslabs pa dang rngan pa byin pa zhib par bshad byung / der gnyos la khrel 'ded tsam mdzad/ myur du rgya gar la log pa'i thugs dam mdzad de/ bal po'i mtha' 'khob tu sho gam pas bskyil/ de dus sa ra has mnal lam du byin gyis brlabs/ do ha rdo rje'i mgur stsal/ bal po nas rim gyis bod du phyags phebs/ der sgyer