[A:22a]pas bdag dang lha brgyad khris chos kyi mig thob/ de ring 'di skad thos zhes bshad de/ kye ma thams cad mi rtag par khyad med do/ /zhes smras nas stan las babs te 'dug go /de bzhin gzhan rnams kyang bstan las babs te bdag cag gis chos bshad pa mngon sum du mthong ba las mi rtag pa'i stobs kyis bcom ldan 'das de'ang thos pa'i lam du gshegs par gyur to/ /de nas dgra bcom pa rnams kyis mngon shes kyis bltas pas/ kun dga' bo khyod kyi lung de yin nam/ des bdag gi lung de lags so/ /khyed cag gi lung de lta bu lags sam/ de kho na'o/ /de nas 'od srung gis mdo sde dang po bsdus nas gang gis kyang ma zlog pas chos so snyam nas/ kun dga' bo la mdo sde gnyis pa gang du bshad/ 'di skad nas/ sdug bsngal 'phags pa'i bden pa gang zhe na skye ba'i sdug bsngal dang / sogs dang / mdo sde gsum pa gang du bshad/ 'di skad nas/ dge slong dag gzugs ni bdag ma yin no zhes sogs kun dga' bos bzlas pas/ dgra bcom pa lnga brgyar gcig gis ma tshang pas gzhung du byas te phung po dang ldan pa ni phung por/ skye mched dang ldan pa ni skye mched dang / rten 'brel dang 'phags pa'i bden pa rig pa dang ldan pa ni gleng gzhi dang ldan par/ nyan thos kyi bshad pa mang ba de ni nyan thos kyi bshad par/ sangs rgyas kyi ni sangs rgyas kyi bshad par/ byang phyogs dang ldan pa ni lam gyi yan lag tu/ brjod pa mang ba ni yang dag par brjod pa'i sder/ tshigs bcad brjod pa ni yang dag par ldan pa'i ming du/ lung ring po ni ring por/ bar ma ni bar mar/ tshig gcig la sogs pa ni gcig las 'phros pa'i lung zhes bsdus te bzhag go /de nas 'od srung gis lung de snyed cig gam/ de snyed lags te 'di las lhag pa med do zhes smras/ khri las babs te sa la 'dug go /de nas nye bar 'khor la spro ba byas te gsol gnyis kyi las kyis 'dul ba bsdu bar bskos te/ nye bar 'khor khri la bzhag nas bcom ldan 'das kyis bslab gzhi dang po gang du bcas/ wA rA Na sIr ro/ /gang gi don du na lnga sde'i don du sham thabs zlum por bgo bar bya'o zhes bcas so/ /de nas dgra bcom pa rnams kyis mngon shes kyis bltas zhes pa nas chos so snyam ste/ bslab gzhi gnyis pa gang du bcas/ wA rA Na sIr