[A:272a]brgya tsam gyi 'tsho ba sbyor ba yin zer/ dge 'dun rnams shin tu dad pas gzims spyil nas chos khri'i bar gyi lam thams cad du zhwa gos dang dar kha la sogs pa 'ding / der sgom btab pa thams cad la myong ba phun sum tshogs pa skyes pas phyogs thams cad du snyan pas khyab pas slob ma grwa pa brgyad brgya la gdugs thogs lnga brgya zer ba byung / sku lus kyi bkod pa bcu gnyis su ston/ mkha' 'gro ma rnams la rgyud sde gsan pa'i rgyud de'i le'u grangs dang don bsdu ba'i yi ge mdzad/ dus de'i tshe bla ma'i gzims spyil du bud med tshogs pa'i skad thos nas nye gnas stag lung thang pas ltar yongs pa dang po la ci'ang ma mthong ba dang / yang skabs zhig skad 'dug nas bltas pas bya 'jol mo zhig phur ba las gzhan ma mthong / der bla ma nyid la zhus pas/ mkha' 'gro ma tshogs pa yin/ khyad par phag mo gru na bu mo lnga gsum bco lnga lon pa zhig yod/ de ni dpal rdo rje phag mo'i sprul pa'i sku/ khyod rang de phyag rgyar bsten na phung po 'ja' lus su 'gyur ba yin gsung / btsal bas rnyed de lan gnyis su yal bar bor bas/ de mya ngan las 'das te/ dbu thod grub thob gling gis bcad klad pa bldag rung byon/ thod pa de las kho mo rang gi gnas su 'gro zhes pa'i sgra byung bas tsa rir zhog cig pa'i bka' gnang / phung po gzhan rnams stag lung thang pa de ma thag tu tshol du song bas yal nas mi 'dug ces grags te/ bcom ldan 'das dpal 'khor lo sdom pa ni bde gshegs phag gru pa/ mtshan ldan gyi bu mo de rdo rje phag mo dngos su byon par 'dug go /da res stag lung thang pas de go ma chod/ tshul khrims rin po che'i rten 'brel 'grig pas phyis go chod du song zhes grags so/ /de nas skabs shig grwa pa rnams bsags nas/ grub thob nam mkha' dang mnyam pa zhig tu mis kyang mthong nas 'ong / sprul pa mang po 'gyed pa dang / mngon shes la sogs pa'i yon tan mang po 'char ba dang / tshe'ang dpag tu med pa thub par 'dug khyed slob ma rnams lta ba dang / mjal ba dang / byin rlabs zhu ru yod/ chos 'chad pa mi 'ong ba de dang / khyod tsho la chos bshad na tshe thung du 'gro ba 'dug ste chos 'chad pa la 'dam gros gyis gsungs/ grwa pa kun tshogs te gros thag ma chod/ dge bshes zhang e nas bos/ khong gis dus gsum sangs rgyas thams cad yon tan dang / sprul pa dang / nus pa bsam