[A:284a]dkar po zhig byung nas/ sku lus gcer bur phyung mgo mjug yongs la lta nyul zhib bo zhig byas te/ khyod lho mon la ma 'gro/ da ste lo lnga na khyod kyi don 'grub 'ong zer ba rmis/ des bshol/ de'ang gling la ya mtshan can gyi gtam lnga zhes bya ba yod pa'i dang po ni/ mdo sde dkon mchog brtsegs pa gzigs pas/ sngon sangs rgyas log pa dad sel gyi bstan pa la dge slong byang chub sems dpa' gnyis kyis bud med kyi 'khor la chos bstan pa la/ gzhan bsam gtan pa drug cus 'khrig pa'i chos kyis bskur pa btab pas dmyal bar yun ring du sdug bsngal myong / shAkya thub pa'i drung du mir gyur nas las kyi sgrib pa sbyangs nas lnga brgya tha ma la las kyi sgrib pa rgyun chad par lung bstan pa'i nang nas/ de dag gi 'dren par 'os pa byang chub sems dpa' brtson 'grus 'od bya ba yin par gzigs pa'o// gnyis pa ni/ rje sum pa gshegs nas gdan sa mdzad/ sngar gyi lung bstan pa de nas lo lnga song ba na ngam shod kyi ri la sgom du 'byon bsam pa ltar byon/ yar klungs gdab kha bya bar sgom chen 'dra ba dang phrad/ 'phros byas pas dpal phag mo gru pa'i snyan pa gsan pa tsam gyis ba spu g.yos/ spyan sngar da lta rang sleb na bsam pa byung nas tsham tshom med par byon/ 'gro ba'i mgon po chos khrir phebs pa dang mjal/ sangs rgyas dngos yin/ shing dang bya 'khor 'di kun kyang sprul pa yin/ nga re 'tshengs bsam pa zhig las gzhan tha mal pa'i rtog pa ma 'gyus/ de'i rkyen gyis snang ba thams cad bun long song nas sgrib byed zhi/ chos thams cad kyi ngang tshul dri ma med pa zhig mthong / sgro 'dogs thams cad cig car du chod de/ dpe yi ge gcig kyang ma zhus te/ /rgyal ba'i gsung rab rab 'byams la/ /shes pa'i snang ba de nas thob/ /shes rab kyi spyan cig gnang ba 'dra/ /de nas lhan cig skyes sbyor gsan te lo bdun zla ba bdun zhag bdun gyi mtshams kyi dam bca' phul te/ zhag lnga song ba'i nyin/ phag mo gru'i mkha' 'gro ma de gshegs pa gzigs nas der byon te thod pa bregs/ klad pa bldag gin byon pa dang / stag lung thang pa thod pa 'breg bsam byon pa lam du 'dzom/ grogs po 'di gsol byas klad pa rtsid khem gang gdengs pas khong zhal yol byas zhal ras la phog de'i dbang gis stag lung ba'i zhal ngo rim par sku 'bras gtsang