[A:305a]rin chen 'jam dbyangs kyi sprul par grags/ dgung lo lnga bcu bzhugs/ de la sras gsum byung ba'i che ba nam mkha' dpal bzang / rten nges med/ khyi ra mdzad/ gnas nang pa rnams kyis skur ba zhus pas bsad bsad pa slar gsos te btang / 'khor gsum nyi zer la bkal bas ra smyon du btags te phyag na rdo rje'i sprul par grags dgung lo rtsa brgyad pa la gshegs/
de'i gcung po shes rab bzang po spyan ras gzigs kyi sprul par grags/
2nd 'Brug chen rGyal ba'i dbang po Kun dga' dpal 'byor
'di'i sras dpal rgyal ba'i dbang po yin/ chung ngu nas gzhung tshogs mang po bzung / yab la gsan pa mthar phyin mdzad de dgung lo brgyad pa la gdan sar bton/ tshogs la brtag gnyis bshad/ de nas yab gshegs nas 'khrul zhig nam mkha'i rnal 'byor spyan drangs/ khong grub chen dkon bsam pa dang mkhas grub legs rin pa'i slob ma yin/ khong gi zhal nas "khyod brgyud pa 'di'i gdung mi gcod na sgrub pa'i gtso bo bla ma sgrub pa la gyis/ mchod pa'i gtso bo bla ma mchod pa la gyis/ nyams len gyi gtso bo gsol ba 'debs pa la gyis" gsung ba bzhin mdzad de/ phyag rgya chen po'i khrid bskyangs pas gnas lugs kyi rtogs pa shar/ des ji lta ba'i phyogs nas 'khrul zhig rin po che nam mkha'i rnal 'byor sku drin che ba yin gsungs/ de nas bde ba can nas slob dpon bde rings pa spyan drangs bsdus pa dang tshad ma sbyangs/ rig lung la brdzus te gsang phu 'bras spungs sogs su phebs/ ston pa bzang ba'i grags pa thob/
snye thang blo brtan dang / khong gi zhal slob sgra pa a mo gha par grags pa la/ ka tsan/ snyan ngag mngon brjod sogs tha snyad la mkhas par sbyangs/
de nas gzhung du byon rngog ston byang chub dpal mjal'jal/ khong gi gsung nas "ngas da bar khyod la dgugs sdod byas sdad pa yin/ de chos bdag po'i lag tu 'phrod pa byed "gsung rngog lugs kyi dgyes rdor/ gur mA ya gdan bzhi/ gsang ldan/ gzhan sangs rgyas thod pa sogs dbang rgyud man ngag phran bu dang bcas pa gnang ste/ "da nged ring por mi sdod/ nged kyi 'dad kyi gral dbu khyod la zhu ba yin pas cis kyang 'byon pa zhu "gsung / phyir 'brug tu phebs/ zla ba tsam la rin po che gshegs pa'i gral dbu la spyan 'dren byung / zhal chems la nged kyi 'dad kyi gral dbu rin po che 'brug pa la zhus/ rngog rin po che bdun brgyud