[A:33a]dbyangs kyis rjes su bzung bas rig pa'i gnas thams cad la mkhas pa'i mchog tu gyur to/ /de nas mkhan po lo bcu gnyis su mtshams la bzhugs par bzhed nas dge 'dun gyi gnyer klu sgrub la gtad/ de'i tshe dpal bi pa'i gsol ba nar ma zhig chag pas lo bcu gnyis su mu ge nyam nga ba byung la/ mi phal cher shi yang dge 'dun rnams klu sgrub kyis gser 'gyur mdzad/ de btsongs pa'i rin gyis nongs pa med par byas so/ /de nas mkhan pos mtshams grol ba'i tshe mi rus phung nge ba gzigs pas ci nyes gsungs/ rgyu mtshan zhus pas/ nga'i dge 'dun la skyon med dam gsungs/ 'di ltar bgyis pas ma nongs so/ /de ltar byed mi dgos nga la 'di lta bu'i thabs yod pa yin te/ ri mo'i ba las 'o ma bzhos pas zad pa med pa 'byung ngo / /khyod kyis dge 'dun log pa'i 'tsho ba la bkod 'dug pas sdig sbyong du gtsug lag khang brgya rtsa brgyad/ mchod rten bye ba bzhengs shig ces bsgo/ de'i tshe slob dpon gnas nas phyung zhes phal cher zer te/ mkhan po de nas ring por ma lon par b.ratal zhugs kyi spyod pa la zhugs pa sa ra ha'o/ /des nA lendra slob dpon la gtad de/ des der yun ring du bstan pa bskyangs pa dang 'gal bas mi 'thad do/ /de'i tshe dge slong bde byed kyis rig pa'i rgyan ces bya ba'i gzhung 'bum phrag bcu gnyis pa zhig brtsams nas phyi nang thams cad sun 'byin pa slob dpon gyis btul lo/ /gtsug lag khang brgya rtsa brgyad bzhengs/ chos skyong brgya rtsa brgyad la gtad/ slob dpon chos 'chad res kyis khye'u gnyis 'ong ba gar song gzigs pas sa 'og tu log go /de gnyis la dris pas/ klu'o/ /klu'i 'dam khyer shog bsgos pas khas blangs/ de gnyis kyis klu'i rgyal po 'jog po la zhus pas/ de na ba'i sman par klu sgrub spyan drangs/ dgos pa khyad par can gzigs nas der gshegs so/ /klu'i rgyal po nad drag pa'i gtang rag tu shes rab kyi pha rol tu phyin pa'i chos sde rnams blangs te phyis byon par gsol ba la mchod rten bye ba tshar nas byon par zhal gyis bzhes pas 'bum gyi zhabs nas dum cig klus ma skur gta' mar bzung / klu'i 'jim pa la mchod rten phal cher bzhengs/ cung zad klu yul mi 'dab pa'i phyir ma bzhengs so/ /rdo rje gdan la'ang rdo rje'i dra mig bskor ba la sogs pa mdzad cing / bal yul 'phags pa shing kun la sogs pa des phyag bris su mdzad pa'i grangs su gtogs la/ bal po dag klu yul du de nas byon zer ro/ /de'ang