[A:34a]sems bskyed pa dang po gnyis su med pa'i ye shes kyis brgyan pa snying rje chen po sngon du 'gro ba/ de bzhin gshegs pa'i ye shes 'byung ba'i rgyur gyur pa thog mar mdzad nas/ mthar shes rab kyi pha rol tu phyin pa'i tshul phyin ci ma log par thugs su chud par gyur te/ des rig pa'i gnas lngas 'dul ba rnams legs par smin par byas shing / mdo lugs la sku tshe 'di nyid la sa brgyad pa thob/ khyad par shes rab kyi pha rol tu phyin pa mun pa na gnas pa'i gser gyi gar bu lta bu gtam gyi tshogs dang / rigs pa'i tshogs dang / bstod pa'i tshogs dang / de kho na nyid kyi tshogs kyis gsal bar phyung ste slob ma'i mchog shAkya bshes gnyen la nA lendra gtad de dpal gyi ri la gshegs so/ /der ArYa de wa la sogs pa rjes su bzung / mthar rgyal po bde spyod bzang po la bu gzhon nu nus ldan zhes bya ba gcig la mas gos srubs med pa zhig sbyin pas/ 'di nga rgyal srid 'dzin pa'i dus su dgos zer ba la/ mas khyod kyi rgyal srid 'dzin pa mi 'ong / yab dang slob dpon klu sgrub tshe sgrub dang bcud len stabs su byas pas grub ste/ slob dpon dang srog gcig pa yin zer/ des dpal gyi ri la slob dpon klu sgrub bzhugs pa'i drung du phyin te dbu bslangs pas chod gsungs te/ ral gris gcod pas ma chod pa na slob dpon na re/ /ngas rtsa ku sha bcad pas srog chags shi ba'i rnam smin yod pas ku shas chod gsungs nas bcad pas ske'i rtsa ba nas/ nga ni bde ba can gyi 'jig rten du/ /phyin nas lus 'di la yang 'jug par 'gyur/ /zhes tshigs bcad byung / dbu des khyer phyin pa gnod sbyin mos phrogs te dpag tshad gcig tu dor/ dbu dang sku lus gnyis ka mi nyams la lo re bzhin nyer song nas mthar 'byar nas slar bstan pa dang 'gro ba'i don mdzad ces grags la/ rim gyis rab tu dang ba'i 'od ces bya ba'i 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar 'gyur ro/ /shAkya bshes gnyen gyis bstan pa yun ring du bskyangs la/ de'i slob ma 'bar ba'i gtso bo mtshan de wa ka ra des klu sgrub kyang mjal nas rig pa'i gnas thams cad la mkhas par gyur bas shod cig par dpon slob gnyis kas gdams te/ nA lendrar 'chad nyan byed pa'i dus mu stegs mang po rtsod pas pham par byas pas thams cad kyis rgyal ba'i lhar mtshan gsol ces a bhya