[A:40a]'gro'o byas pas/ de yod par cis shes zer/ khyod rang gi ral pa chod pa skyur dang byas pas skra rdul phra rab bzhin song ngo / /de mthong nas bred de mar log de min na kho tshangs pa'i 'jig rten la thug gi bar du 'gro ba yin/ der rgyal pos kho 'khor bcas btson du bzung ste dbu rtser bcug pas kho lceb snyam/ po ti gcig gi glegs thag bkrol bas/ de na mi g.yo ba'i yi ge bcu pa la phan yon chen po bshad 'dug 'di la phan yon 'di tsam yong mi 'thad snyam pa dang / mi g.yo ba'i sku gcig byung ste da rung chos bden pa la yid mi ches sam zer 'gram lcag gcig brgyab pas kho brgyal/ brgyal ba sangs nas po ti'i glegs thag rnams bkrol te rim pa bzhin bltas pas ma khol lung bstan pa'i mdo mthong nas rang nyid de'i gdul byar shes/ gzhan yang sangs rgyas kyi gsung la dad pa chen po skyes te/ slob dpon la bdag rab tu 'byin par zhu byas pas/ slob dpon klu sgrub kyi spyan sngar khrid de rab tu byung ngo / /der khong phyi pa'i sgra tshad la mkhas pa'i stobs kyis nang pa'i gzhung lugs rnams kyang phal cher tshegs med par shes te mkhas pa chen por gyur te/ de nas rmi lam du shar phyogs bhaM ga la'i grong khyer srang kha nas mkha' 'gro ma zhig bzhugs te/ des khyod byin gyis brlab par 'gyur ro zer ro/ /der byon pas rgan mo shi la khad dbugs lheb lheb pa gcig 'dug phyag dang bskor ba byas tsa na/ des dri chen dri chu byin de zos pa dang / nam mkha' la ling song ba dang / mkha' 'gro ma byi la'i gdong pa can zhig tu song ngo / /shig sro kun kyang rus pa'i rgyan du song / des byin gyis brlabs pas theg pa phyi nang gi chos thams cad dus gcig la thugs su chud pa mtshan yang bha bi la dang / dpa' bo/ rta dbyangs zhes bya ba la sogs pa mang ngo / /slob dpon ArYa de was bzhi brgya pa dang / gzhan yab sras de gnyis kyis legs par bshad pa du ma mdzad cing bstan pa rgyas par byas so/ /rgyal ba'i lha'i slob ma paNDYi ta chen po zhi ba'i lha'i lo rgyus la ngo mtshar can gyi gtam bdun zhes grags te/ lhag pa'i lha mnyes nA lendra'i/ /bkod pa phun tshogs rtsod pa bzlog /ya mtshan can dang sprang po dang / /rgyal po mu stegs can btul lo/ /de la dang po ni lho phyogs yul 'khor bzang po zhes bya bar rgyal po dge ba'i go cha zhes bya ba'i sras su 'khrungs/ mtshan zhi ba'i go cha/ gzhon nu'i tshe rig pa mang po bslabs/ khyad par