[A:47a]bstan to/ /zhes drangs pa la de lta'i rtsa rgyud na rkang pa snga ma gnyis mi snang zhes bu ston gsung yang lung rnams la tshig chad pa cung zad yod par bshad pas snga ma 'thad do/ /de lta bu'i rgya chen spyod pa'i phyogs 'grel ba'i shing rta chen por lung bstan pa'i 'phags pa thogs med ni/ rgya gar du dam pa'i chos mngon pa la dgra lan gsum du byung ste/ dang po mu stegs kyi rgan mo zhig na re/ nang pa'i gaNDYI'i sgra las 'gems zhes pa zhig snang ste 'o skol la gnod mi gnod brtag par rigs so zer nas brtags pas/ lha dang klu dang gnod sbyin gyis mchod pa'i/ /dkon mchog gsum gyi gaNDYI 'di brdungs pas/ /mu stegs 'chal ba'i klad pa tshal bar 'gems/ /zhes par rig nas dmag drangs te bsnubs so/ /de nas cung zad 'phel nas yod pa'i tshe dbus kyi rgyal pos stag gzig gi rgyal po la ras kyi na bza' srubs med pa zhig skyes su bskur/ de'i snying khar rkang rjes 'dra ba zhig yod pas ngan sngags byas so zer nas dmag drangs te bsnubs so/ /de nas cung zad 'phel nas yod pa'i tshe nang pa'i gtsug lag khang zhig tu mu stegs kyi sprang po gcig slong du 'ongs pa la bkru chu gtor bas khros nas nyi ma bsgrubs te gtsug lag khang bsregs te bsnubs so/ /de'i tshe bram ze mo gsal ba'i tshul khrims zhes pa'i bsam pa la bstan pa'i rtsa ba mngon pa yin pa la dgra lan gsum byung bas bsnubs pa 'di dar bar byed nus pa gzhan yang mi snang / bdag kyang bud med du song bas mi nus/ lus la bu bskyed la dar bar byed du gzhug snyam nas rgyal rigs dang 'dus pas thogs med dang / bram ze dang 'dus pas dbyig gnyen byung nas skyes ma thag tu lce la gi'u wang gis yi ge a bris pa sogs blo rno ba'i rig pa byas te/ de gnyis cher skyes pa'i pha'i las ka gang yin zhus pas/ ma na re/ khyed de'i phyir ma bskyed kyi bslab sbyangs gyis la mngon pa'i bstan pa dar bar gyis shig gsungs nas gcung po kha cher 'dus bzang gi drung du btang / gcen gyis byams pa sgrub la theg chen gyi mngon pa dar bar bya snyam nas ri bya rkang gi phug tu phyin/ lo gsum sgrub pas mtshan ma ci'ang ma byung bas skyo nas phyir 'thon pa na/ rgan po shing bal gyi 'dab mas lcags kyi sdong po shud de 'dug pas/ ci byed dris pas khab byed pa yin zer/ shing bal 'di ltar 'jam la lcags sra ba'i sdong po 'di tsam na ji ltar khab 'byung zhes dris pas/ snying stobs ldan pa'i skyes bu