[A:50a]bo yin pa dang / theg chen la skur pa btab pas nga tshe 'di la mthong ba'i skal ba med kyi/ sgrib pa sbyang ba'i phyir theg chen gyi mdo 'grel mang du rtsoms/ gtsug tor rnam par rgyal ma thon/ phyi ma mjal bar 'ong gyis shig gsungs pas de la de skad bsnyad do/ /de nas gcen la lhag par dad de/ nga yi phu bo klu dang 'dra/ /nga ni char 'dod bya dang 'dra/ /klu yi rgyal pos char phab kyang / /bya yi gre bar song ba med/ /ces zer zhing byams pa'i gsung bzhin bsgrubs la mdzod kyi tshig le'ur bcad pa brtsams te 'dus bzang la springs so/ /slob ma rnams kyis zer grag lo zhes pa 'o skol gyi grub mtha' la zur za'o zhes smras pa dang / kho bstan bcos rtsom pa la mkhas pas tshig gi rgyan yin zer/ shin tu mnyes te 'grel pa mdo dang mthun pa'ang sbyar ro/ /slob dpon 'dis nA lendra'i mkhan po mdzad de thogs med gshegs nas kyang dum zhig bstan pa bskyangs/ 'bum sde dgu bcu go dgu thugs su chud cing 'bru mar gyi bcing ba mdzad nas zhag bcu gnyis su zhal 'don mdzad pas sangs rgyas gnyis par grags pa'o/ /phyis mdzod la rang 'grel mdzad de/ 'dus bzang bzhugs pa de la bskur bas de 'khrugs te lung dang rig pa'i sgo nas tshar bcad cing kho nyid kyi lag pas bsub tu gzhug go zer nas rgya gar du byon par ngur smrig gi mdangs kyis nam mkha' 'gyur ba tsam gyi dge 'dun gyis bskor te chas pa dbyig gnyen gyis gsan nas slob dpon 'dus bzang ni bye brag tu smra ba'i grub mtha' la byang ba yin pas bzlog par dka' la/ de pham yang dgos pa med pas bal yul rang byung gi mchod rten lta bar 'gro zhes bsgrags pa bzhin nA lendra dpal ldan chos skyong la gtad/ bal yul du byon/ de'i rjes la 'dus bzang nA lendrar byon der sum brgya lon nas grongs/ dbyig gnyen dgung lo nyis brgya la bal yul du ha du zhes pa rab tu byung ba'i cha lugs can sdom khrims la mi gnas pa chang gi bum pa thogs pa mthong nas skyo ba skyes te gtsug tor rnam rgyal bzlog nas bton pas grongs nas mchod rten yang brtsigs so/ /slob dpon chen po de la slob ma'i mchog bzhi yod pa'i mngon pa rang la mkhas pa blo brtan ni/ slob dpon dbyig gnyen bha ga bi ha ra zhes bya ba na 'bru mar gyis zangs bkang pa'i nang na bzhugs te 'bum sde go dgu zhal 'don du mdzad pa rgyun du nyan pa'i phug ron zhig yod pa tshe 'phos nas mtha' 'khob Da ma zhes bya bar dmangs rigs kyi bur skyes ma thag