[A:51a]nga'i slob dpon ga na bzhugs zhes dris pas/ khyod kyi slob dpon su yin byas pas/ dbyig gnyen yin zer/ phas yul dbus su 'gro ba'i tshong pa la dris pas bzhugs zer nas cung zad skyes pa dang slob dpon dbyig gnyen can du bskyal/ slob dpon gyis yi ge'i phyi mar slob pa nas bzung ste rig pa'i gnas thams cad la mkhas par bslabs so/ /chung ngu'i dus na nA lendra'i sgrol ma'i rten bzhugs pa'i phyag tu sran ma'i gang bu'i phud phul la za snyam nas 'ga' zhig phul bas 'gril byung bas/ yang phul bas 'gril/ 'phags mas ma bzhes par rang za ba mi 'os snyam nas zad zad phul/ yang 'gril bas ngus so/ /des 'phags mas zhal dngos su bstan te/ ngu mi dgos ngas khyod la byin gyis brlabs kyi khyim du song gsungs de nas mkhyen rab thogs med du gyur la/ rten de la'ang de phyin nas sran ma'i sgrol ma zhes grags so/ /de la dkon mchog brtsegs pa la sogs pa mdo sde du ma thugs la mnga' zhing mdzod kyi 'grel pa la sogs pa bstan bcos mang du mdzad/ de'i slob ma gang ba spel/ de'i slob ma rgyal po'i sras dang / kha che dzi na mi tra dang / shI lendra bo dhi la sogs pa yin no/ /tshad ma rang la mkhas pa dpal ldan phyogs kyi glang po ni/ rigs bram ze gnas ma bu pa'i sde pa'i mkhan po rgyal ba'i dbang po zhes bya ba las rab tu byung / sgra la sogs pa tha snyad kyi gtsug lag la legs par sbyangs/ mkhan po la spong ba bsam gtan gyi gdam ngag zhus pas/ phung po las de nyid dang gzhan du brjod du med pa'i bdag sgoms shig gsungs nas sgom pas/ bdag ma rnyed nas phyi nang gis bsgribs sam snyam nas phyogs bzhir mar me bzhi spar/ lus gcer bur phyung / mig bgrad de phyogs bcur bdag btsal yang ma rnyed do/ /spyod lam de ltar byed pa grogs kyis mthong nas mkhan po la zhus pas/ mkhan pos khyed ci'i phyir de ltar byed dris pas bdag 'tshol ba'i phyir ro/ /khyod rang gi grub mtha' sun 'byin par 'dug pa song zhig zer ba dang / de rigs pas sun 'byin nus mod kyi 'os min no snyam nas nA lendrar byon te/ dbyig gnyen bsten nas theg pa gsum la mkhas par sbyangs/ khyad par rnam rig pa'i grub mtha' dang tshad ma la mkhas par gyur te/ der bstan bcos thor bu brgya rtsa brgyad mdzad cing / dbyig gnyen gshegs nas ri bo 'bigs byed kyi ngos su bzhugs te rang gi bstan bcos thor ba rnams gcig tu bsdu bar bzhed nas/ phug pa'i ngos la thod le kor gyis/ tshad mar