[A:66a]'byor pa kun 'gro rdo rje/ des rnal 'byor pa thugs kyi rdo rje/ des lcam dpal gyi blo gros ma/ de la dge slong ma dpal mor grags so/ /de gnyis kyis lwa ba pa'o/ /dpa' bo rdo rje'ang ArYa de wa'i bla ma yin/ yang paNDYi ta bdud rtsi dga' ba'i 'byung gnas zhes bya ba rig pa'i gnas thams cad la mkhas pa chen por gyur pa gcig rgya gar shar phyogs za hor gyi yul du byung / de rgyud 'chad pa na/ 'bangs mo nyan pa la res 'ga' bgad/ res 'ga' ngu ba mthong ste mkha' 'gro mar shes nas/ srod la mkha' 'gro ma brtag pa'i mchod pa bshams te gsol ba btab pa na/ de nyal ba las sad de dngangs pa skad byas nas jo bo smyo'am zhes zer ro/ /der rgyu mtshan bsnyad pas min zer/ 'o na nga rgyud bshad pa la 'di ltar byed pa ci yin dris pas/ rgyud kyi don min pa la yin zer ba dang / phyin ci log tu bshad pa la bgad pa dang ngu'o zer/ khyod mkha' 'gro ma yin par shes kyis bdag rjes su bzung du gsol ces phyag byas pas/ nga la khyod rjes su 'dzin pa tsam gyi nus pa med/ u rgyan gyi yul na nga'i ming po padma badzwa zhes bya ba yod kyi/ de'i rtsar song dang don grub par 'gyur ro zer nas mi snang bar gyur to/ /de nas de'i tshig nyan nas u rgyan du phyin te/ rgyal po indra bhU ti dang mjal te/ rgyal po'i mchod gnas paNDYi ta lnga brgya dang rtsod pas sus kyang ma thub ste/ thams cad kyis gtsug tu bkur ro/ /de'i tshe rgyal po la rgyu mtshan zhus te gnang ba thob/ rgyal pos nga'i mchod gnas paNDYi ta smyo bas grong dang srang du tshul ji lta bur 'ong yang gnod par ma byos shig ces dril bsgrags so/ /der paNDYi tas bla ma btsal bas ci zhig na shing tshong pa rgan po zhig gi bshang ba'i shul nas sbrang ma ser po thib thib 'du ba mthong nas/ slob dpon du nges nas rgyu mtshan gsol bas gsang ba 'dus pa bstan/ de'i don du gsang ba grub pa dang dgyes rdor gyi sgrub thabs mdzad/ slob dpon de'i sras mo padmo ni phyag rgyar stsal/ de dang lhan cig rgyal po'i yang thog tu bsgrubs pas grub bo/ /de'i tshe u rgyan gyi mi rnams na re/ rgyal po'i mchod gnas smyo/ des rigs ngan gyi bu mo dang lhan cig 'dug des rgyal po'i rigs kyang lad pas u rgyan gyi yul nyams so zhes bsgrags pa rgyal pos thos nas yid khong du chud pa slob dpon gyis gzigs nas rgyal po la da de zhag bdun na u rgyan gyi mi thams