[A:68a]bzhi dang ldan pa de'o/ /des sngags don rnam gzigs sogs mdzad/ des gu dhi ra ste/ gu dhi ra zhes pa'i byi'u'i ro 'tsho ba'i zas su mdzad pas/ de skad thogs pa sUrYa singha/ phyis shrI singhar grags pa la bshad/ des sing nga lar bsgrubs pas grub pa thob/ yang / chos kyi zhal snga'i bka' drin las/ /bzang po'i zhal snga nas kyis bstan/ /zhes gsungs pa'i chos kyi pa/ bcom ldan 'das phyag na rdo rje dngos kyi slob ma/ des rjes su bzung ba mkhas pa chen po bzang po'i zhabs/ des rjes su bzung ba tog tse pa ste/ tog tse zhabs la phog rma la 'bu zhugs nas shin tu nyen pa sman pas blta ba'i skabs bzang po pa byung ste sman pa ni nad pa/ nad pa ni sman par 'dug go gsungs byin gyis brlabs pas mchog gi dngos grub brnyes par gyur te bsam mi khyab sogs mdzad/ 'dis yul dbus su phyin nas sha ba ri la sogs pa la gdams pa btab zer/ gzhan de'i slob ma'ang lwa ba pa'o/ /dge slong ma dpal mo ni rgyal po indra bhU ti chung ba'i a lce rab tu byung ba'i mtshan dpal gyi blo gros ma/ 'phags pa spyan ras gzigs kyis rjes su bzung zhing rnal 'byor pa thugs kyi rdo rje las yang dag pa'i gdam ngag thob pa/ grub chen phag tshang ba dang lhan cig b.ratal zhugs kyi spyod pa mdzad pas rigs dang b.ratal zhugs las nyams pa'i skur pa btab pas/ rang gi gri gug gis dbu bcad/ de'i khrag rgyun mgrin par 'khor ba ste/ dbu bcad ma'i tshul gyis mkha' spyod du byon pa/ des rang gi ming po la bskul nas rab tu byung du bcug rig pa'i gnas la sbyangs/ der yang 'khor med sa nas thabs kyis yang dag pa'i gdam ngag btab ste lo bcu gnyis kyi bar du mnal logs pas grub pa thob/ des dur khrod du sgom gyin bzhugs pas/ yul de'i rgyal po slob dpon gyi sbyin bdag byed pa de la btsun mo lnga bcu rtsa gcig yod pa lnga bcu ni phyi pa la mos/ chung shos ni sangs rgyas pa la mos pas rgyal po de la rtsi bas/ btsun mo gzhan rnams na re/ rgyal po 'di la rtsi ba sangs rgyas pa'i rnal 'byor pa 'dis lan pas 'di gsad par bya'o zhes bgros te/ mtshan mo slob dpon dur khrod du sgom pa'i rtsar song ngo / /der slob dpon gyis sku mi snang bar mdzad pas/ sangs rgyas