[A:69a]pa'i rnal 'byor pa bya ba g.yo che ba yin pas bem por brdzus so snyam/ de dum bur byas te zos nas log pa/ lug tu gyur la/ nang par slob dpon gcer bur rgyal po'i 'dun sar byon no/ /der rgyal pos dris pas ji ltar gyur pa bshad do/ /de nas btsun mo lug tu gyur pa rnams bkug pas bzhi bcu rtsa dgu khugs nas/ slob dpon gyis de dag gi mgor thal lcag re bsnun pas lwa ba'i dum bu re skyugs pas gcig ma 'grig btsal bas lnga bcu pa rnyed nas sngar ltar byas pas na bza' sngar bzhin du 'grig pas mtshan de man ka mA la ste lwa ba par thogs so/ /btsun mo rnams kyis bzod par gsol ba bzhes nas lus sngar ltar gyur la/ 'on kyang chad pa'i las su yul de'i khyim pa mo thams cad kyis lham zhar gyon pa/ sbrul ga shar bcang ba da lta'i bar du'ang 'dug ces u rgyan pa rin chen dpal gsung la/ de lcam sring gis lhan cig skyes grub rtsa 'grel sogs mdzad/ de la rgyal pos/ slob dpon chen po lwa ba pas/ /grong khyer chen po'i srang kha ru/ /lo ni bcu gnyis bar du ni/ /'od gsal bar ni gnyid log pas/ /phyag rgya chen po'i dngos grub thob/ /gnyid dang bud med chang dang gsum/ /pha rol phyin pa'i skyon yin te/ /gsang sngags sgo nas lam du 'khyer/ /zhes bsngags/ de'i sbyin bdag la'ang indra bhU ti zer/ de'ang dngos grub brnyes pa'o/ /de lta bu'i u rgyan gyi slob dpon lwa ba pa ma gtogs/ de dag phal cher ArYa de wa yan du byon pa/ gzhan yang u rgyan gyi yul du grub thob pho mo dpag tu med pa byung / de rnams kyis gsang sngags rnal 'byor bla na med pa'i rgyud sde mang po skal ba ldan pa'i gang zag la gnang bas yul dbus la sogs par 'phel ba yin te/ rgyud sde mang po'i mjug nas kyang u rgyan gyi yul nas byung ba zhes 'byung bas so// // ! yul dbus su gsang sngags dar ba'i tshul ni/ thog mar gsang ba 'dus pa dar te/ 'phags lugs pa rnams na re/ bcom ldan 'das kyi phyag na rdo rje/ des rgyal po indra bhU ti/ des klu las gyur pa'i mkha' 'gro ma/ des rgya gar lho phyogs o Da bi sha na'i rgyal po bi su kalpa zhes bya ba mtshan nyid kyi theg pa la zhugs pa zhig 'di bas khyad par du 'phags pa'i chos shig rnyed na ci ma rung snyam