[A:70a]pa dang / de'i rmi lam na 'di nas byang phyogs u rgyan du song zhig dang / der rig pa 'dzin pa'i sde snod mkha' 'gro ma rnams las rnyed par 'gyur ro zhes lung bstan pa thob bo/ /de nas gnyid sad de nam langs pa na u rgyan du phyin no/ /de nas rang byung gi lha khang rin po che sna tshogs las grub pa sgo bzhi na gser gyi dril bu bzhi btags pa zhig yod pa de mthong ba dang sgo bzhi nas phyag byas te/ slar shar sgor bud med mkha' 'gro ma zhig dang phrad do/ /de nas de na re khyod su yin zer/ bdag rgyal po bi su kalpa yin zhes brjod de bsnyen bkur byas pas/ des khrid nas gsang ba 'dus pa lha sum cu rtsa gnyis kyi dkyil 'khor du bcug cing dbang bskur te rgyud gdam ngag dang bcas pa gnang ngo / /des yul shar phyogs kyi bye brag ra Da'i bram ze sa ra ha la gnang zer/ rgyal po de ni ston pa'i sras po kho na yin la mtshan sbas pa ste/ thun mong ma yin pa'i gsang ba zhes pa'i rnal 'byor chen po'i rgyud las dpal lha mo ni grags 'dzin ma'o/ /rdo rje sems dpa' ni sgra gcan 'dzin no/ /zhes gsungs pa dang / slob dpon sa ra ha 'di nyid kyi bdag byin brlab tu/ rje btsun dpal rdo rje sems dpa' rnal 'byor gyi dbang phyug thams cad kyi snying du sdug pa bla ma'i zhal du son pas rnyed de zhes byung ba dang / sngags 'chang padma 'byung gnas kyis kun dga' bo la sngags gsan pa lta bur snang ngo / /slob dpon sa ra ha'i lo rgyus ni/ snying rje padma dkar po las/ nga yongs su mya ngan las 'das nas grong khyer gser gyi bre zhes bya ba na bram ze'i rigs las rab tu byung ba dge slong mkhas pa zhes bya ba dang / yang dag par rgyal ba can zhes bya ba gnyis 'byung ste/ rdzu 'phrul che ba/ mthu che ba/ dbang che bar grags pa/ gsal ba/ dul ba/ 'jigs pa med pa/ mang du thos pa/ mdo 'dzin pa/ 'dul ba 'dzin pa/ ma mo 'dzin pa/ skye bo mang po la yang dag par ston pa/ yang dag par 'dzin du 'jug pa/ yang dag par gzengs bstod pa/ yang dag par rab tu dga' bar byed pa/ de nyid kyang tshangs par spyod pa rdzu 'phrul dang bcas pas 'di rgyas par byed pa'i bar du 'gyur gyi zhes gsungs so/ /do ha la sogs pa'i lo rgyus nas ston pa byon nas/