[A:74a]de mthong ba'i thabs ci zhu 'tshal zhus pas/ dpal 'khor lo sdom pa'i dkyil 'khor du bcug ste dbang bskur/ rgyud bshad/ gdams pa bstan nas nyams su long zhig gsung nan tan gyis nyams su blangs pas rgyud dag nas byang chub sems dpa'i zhal mthong ngo / /der do ha glur blangs nas mchod pa phul bas khyod kyis de'i don shes sam gsungs/ mi shes zhu 'tshal zhus pas/ byin gyis brlabs te snying po don gyis dgongs pa bstan pas de kho na nyid kyi rtogs pa thob/ slob dpon gyis rigs kyi bu khyod lho phyogs kyi ston pa sha ba ri dbang phyug bya ba yin pas 'dir ma sdod par sring mo gnyis phyag rgyar bsten/ gsum ka rngon pa'i chas su zhugs la lho phyogs dpal gyi ri/ sems ngal gso ba'i ri/ yid pham par byed pa'i ri la song la dbang po yang rab rnams kyi don gyis shig der ming sring rnams kyis rngon pa'i chas su zhugs nas dpal gyi ri la mchog gi dngos grub brnyes te/ ding sang gi bar du'ang bzhugs/ blo gros rin chen gser sdings pas li tsa byi dri ma med par grags pa la ngos gzung / gzhan lha'i bur 'dod pa mang yang / de ni slob dpon chen po sa ra ha'i gsang ba'i mtshan te/ klu sgrub kyi rtsa ba'i bla ma de kho na yin la/ 'ga' zhig tu lha'i bu zhes gsungs pa yang de ni 'ja' tshon gyis mtshon pa'i skur bzhugs pa 'og min gyi lha rnams dang mtshungs pa la dgongs so/ /sa ra has sam/ de dang ri khrod dbang phyug gnyis kas rjes su bzung ba ni lU yi pa ste/ u rgyan gyi yul du yab yig mkhan zla ba rol pa'i dpal zhes bya ba'i sras su 'khrungs kun tu dge bar ming btags/ cher skyes pa dang yig rtsis dang sgyu rtsal gyi gnas la sogs rig pa du ma bslabs/ de'i tshe sa ra ha yab sras dang mjal nas bsnyen bkur dang mchod pas mnyes par byas te rjes su gzung bar gsol ba btab pas dpal 'khor lo sdom pa'i dkyil 'khor du dbang bskur/ rgyud bshad/ man ngag bstan/ der sgrub pa la brtson par mdzad/ u rgyan gyi yul chos kyi tshes bcu rnam gnyis la dur khrod du mchod pa la 'gro bas/ de'i rjes la phar phyin/ gzhan tsho gyes tshar ba dang skyes pa dang