[A:86a]dang slob dpon bsnyung ba ma drag pas mkha' 'gro ma'i bar chad du shes so/ /der slob dpon gyi zhal nas da res mkha' 'gro'i bar chad byung bas lus 'di bor te bar dor sangs rgyas thob par bya'o zhes gsungs nas grongs so/ /der bar chad byed pa'i mkha' 'gro ma de rnams slob ma gu pa zhes bya bas btul lo/ /nag po spyod pa rang gi slob ma rnam rgyal zhabs de dha ri ka pa'i yang slob ma/ gu pa la'ang gtugs zer/ de'i slob ma tilli pa'o bde mchog mkhan po byin zer ro/ /rgyal ba'i lha'i mkhan bu dpal ldan chos skyong gi lo rgyus ni/ rgyal srid spangs nas mkhan po rgyal ba'i lha las rab tu byung shrI dharma pA la zhes gsol/ mkhan po nyid dang slob dpon dbyig gnyen la sogs pa bsten/ phyi nang gi rig pa'i gnas thams cad thugs su chud/ sems tsam gyi grub pa'i mtha' smra ba'i khyu mchog tu grags mkhan po las 'khor lo bde mchog gi gdam ngag thob/ dbyig gnyen gyis dpal nA lendra'i gtsug lag khang dge 'dun dang bcas pa gtad nas der bstan pa yun ring du bskyangs/ de nas 'khor lo sdom pa'i sgrub pa mdzad/ yun ring po song yang rtags ma byung nas mi 'tsham pa du ma byung bas thugs mug ste/ da phan chos brtsam pa dang / 'chad pa dang / dge 'dun gyi bya ba las yi dam gyi sgrub pa mi byed do/ /zhes dam bcas nas dpyid zla tha chung gi nyi shu gnyis kyi nub mo 'phreng ba phyag khang du bskyur nas ci bder gnas so/ /de'i nub mo rmi lam du bdag med ma tha mal gyi bud med sngon mo'i gzugs su byon te/ rigs kyi bu tshul bzhin ma yin pa'i spyod pa de lta bu byed pa ma legs pas 'phreng ba long dri zhim po'i chus khrus/ bshags sdom legs par gyis la tshul bzhin du sgrub pa gyis shig khyod kyis las bsags pa'i lha nga yin pas/ ngas byin gyis brlabs kyi/ khyod kyis dngos grub myur du thob par 'gyur ro zhes gsungs nas mi snang bar gyur/ de nas mnal sad de 'gyod pa skyes nas nyi shu gsum gyi nyin mo 'phreng ba blangs lung bstan pa bzhin byas pas/ de'i nub mo sprul pa'i sku ye shes kyi snang ba lha mo bco lnga'i dkyil 'khor gyi rnam par byon te/ dbang bzhi rdzogs par bskur bas sa dang po mthong lam gyi ye shes skyes/ nyi shu dgu'i nub mo sa