[A:96a]pA li ta/ ye shes rdo rje/ pra dznyyA siddhi la brgyud de rnams yang dag par bstan te mkha' spyod du byon no/ /sras mos kyang de ltar bsgrubs pas mkha' spyod chen po brnyes so zhes grags so/ /de dang slob ma'i mchog bzhi la/ gtso bor yo ga la mkhas pa mi gsum gyis gsan te/ slob dpon kun dga' snying po dang / sangs rgyas gsang ba/ shAkya bshes gnyen no/ /dkar shAkya grags kyis rgyal po 'di shar lho'i grong khyer pa Di ko ri ru sangs rgyas gshegs nas lo nyi shu na byung zer te yul nor ba dang dus snga ches pas mi 'thad do/ /rang lugs ni de'i slob ma'i rabs la brtag na mkhas pa dbyig gnyen gyi thad tsam mo/ /gzhan yang rgyal po de'i slob ma kha che'i mkhas pa rab tu snang byed dang / rgyal ba'i sde kun dga' mo sogs rig sngags 'chang mang zhig byon no/ /de las kun dga' snying po ni bzhi yod pa las 'di rgyal rigs/ de'ang / rgyal po ra ma pA la'i gdan/ /rig pa'i gnas lnga mkhas par thob/ /ra ma pA la chos kyi don/ /kun dga' snying po rig pa'i mchog /ces so/ /de'ang yul bhangga lar 'khrungs pa/ rig pa'i gnas thams cad mkhyen pa/ slob dpon bzhi las gsang sngags kyi gdams pa thob pa/ cho ga zhib mo la mkhas pa/ dkyil 'khor chen po'i mnga' bdag bstan bcos smra ba thams cad kyi gtsug gi nor bu/ btsun pa/ sbyangs pa'i yon tan bcu gnyis dang ldan pa'o/ /de bhangga la'i dgon pa dben par sgrub pa la gzhol ba'i tshe/ rgya gar nub phyogs kyi paNDYi ta pra dznyyA ba li tas/ slob dpon sgra gcan 'dzin sogs kyi snyan pa thos nas rgya gar shar phyogs su byon nas slob dpon bzhi gar bzhugs dris pas/ de bzhi ka grongs zer/ de'i slob ma su yod dris pas/ slob dpon kun dga' snying po bya ba da lta bhangga la'i dgon par bzhugs zer/ der byon pas slob dpon rdo leb cig gi steng na 'bras chan zhig brdal nas gsol ba dang mjal te/ chos zhus pas/ de nyid 'dus pa dang / ngan song sbyong rgyud dang / las kyi sgrib pa rgyun gcod pa la sogs pa'i rgyud bdun 'grel pa cho ga dang bcas pa gsungs/ rdo rje dbyings/ khams