[A:97a]gsum rnam rgyal/ gtsug dgu/ rigs bsdus dri med bzhi khong gi don du mdzad/ gzhan yang gdams pa mang du gnang ste/ khong gis yul dbus bzhugs nas bshad pas grags pa thob/ de'i dbang gis rgya gar shar nub kun nas nyan mkhan mang du 'tshogs/ de dag gis su la thos rtsad bcad pas/ bhangga la'i kun dga' snying po la thos zer/ der shar phyogs pa rnams na re/ de ni nged rang gi yul na bzhugs par 'dug zer/ de nas log pa dang / bhangga la'i rgyal po la bhangga la'i dgon pa na slob dpon kun dga' snying po bya ba mkhas pa chen po zhig bzhugs zer bas/ de spyan drangs nas chos zhu dgos zhes gsol bas/ rgyal po dgyes te shing rta la bskyon nas spyan drangs/ o tsa ya na'i gtsug lag khang gi gnas brtan chen po zhus nas/ sa thob pa'i paNDYi ta mang pos bskor nas chos 'chad par mdzad de/ smad 'grel las/ o tsa ya na gtsug gi nor/ /'jig rten gsum po dga' byed pa/ /byang chub sems dpa' tshogs kyi gnas/ /dpal ldan gtsug lag khang chen du/ /zhes sogs gsungs so/ /der slob ma rnams kyis gsol ba btab pas rgyud brgya la 'grel pa rtsom par dam bcas te/ rgyud brgya ma rnyed par dpal mchog dang / de nyid 'dus pa gnyis la 'grel pa che chung gnyis gnyis mdzad do zhes grags so/ /slob dpon pra dznyyA ba li tas dze ta ri/ dpal 'dzin/ rin chen rdo rje/ nor bu gling pa/ shraddhA ka ra warma/ dharma pA la sogs la gnang ba las phyi ma mkhas par byed/ des kun snying rang la'ang gtugs zer/ slob dpon sangs rgyas gsang ba ni/ slob dpon sangs rgyas ye shes dang / de'i slob ma sangs rgyas zhi ba gnyis la thug rig pa'i gnas phal dang / pha rol tu phyin pa la mkhas pa/ de nas rgyud kyi glegs bam bltas pas ci'ang ma go nas/ thos pa chung ba'ang bdud kyi las so zhes gsungs te/ spyir rang gzhan gyi grub mtha' thams cad dang / khyad par slob dpon gnyis dang dza'i slob ma bzhi la sogs pa bsten nas rgyud sde rgya mtsho'i pha rol tu phyin par gyur te/ 'chad nyan yang legs par mdzad do/ /de nas yang dag 'jog bzhed nas dben par mnyam par bzhag pa na sems ba 'jo ba'i nu ma 'then pa'i yun tsam yang gnas par ma nus nas thugs skyo ste/ thos pa mang po'ang bdud