[A:12]gyis brlabs pa ma mchis shing / khyad par 'gro ba yongs la mnga' sgyur ba'i rgyal po zhig med na/ rgyal ba'i bstan pa 'byung dka' bar dgongs nas/ mang pos bkur ba'i brgyud las byung ba'i rgyal po dmag brgya pa zhes bya ba las sras 'phags pas byin rlabs kyi byed pos mi las 'das pa zhig bltams te/ mig mas 'gribs su yod pa/ g.yu'i smin ma can/ so dung so 'khor mar yod pa/ lag pa 'khor lo'i yan lag can lta bur yod pa'i mtshan ldan zhig byung ba/ yab kyis lha 'dre'i sprul par dgongs nas spyugs pas/ pad dkar 'dzin pa'i ye shes mchog gi 'od zer gyis snang ba bsgyur nas/ lha ri gyang tho'i rtse la byon nas gzigs pas/ yar klung gi yul ni mtho ris kyi yon tan sa la 'phos pa ltar bzang zhing / yar lha sham po'i gangs ri 'di lhun po'i mdzes sdug la chags pa'i chu shel gyi dbang po nya gang bas 'khyud pa ltar mkhyen nas/ lha ri rol po'i rtse la gshegs nas lha skas la babs te/ btsan thang sgo bzhir zhabs zung gi 'khor lo bskyod pas bon po sogs yon tan can gyi mi bcu gnyis phyugs skyong bas mthong ste gang nas 'ongs zhes gtam dris par/ mkha' la mdzub mo ker bas lha las chad par go nas bod khams kyi rjes 'os so zhes gnya' bar khri byas bteg nas 'ongs pas rje gnya' khri btsan por grags la/ deb sngon du khri btsan po 'od lde zhes pa dang don gcig rje 'dis pho brang yum bu gla sgang brtsigs/ tshe mi gshen gyi rmu rgyal gyi don bsgyur/ de dang gnam mug mug gi sras mu khri btsan po/ de dang sa ding ding gi sras ding khri btsan po/ de dang so tham tham gyi sras so khri btsan po/ de dang dog mer mer gyi sras mer khri btsan po/ de dang gdags kyi lha mo dkar mo'i sras gdags khri btsan po/ de dang srib kyi lha mo'i sras srib khri btsan po/ 'di rnams rmu thag la byas nas mkha' la yal bas bang so med par grags shing /