[A:169]pas chos skyong gi tshur btud de/ dngos grub ster bar gsungs pa bzhin nyi ma gcig la rdzong bcu gsum blangs/ dbus gtsang gi chings bdag mdzad pas/ gram pa shar/ stod lung rmad sogs smyu gu mchu rin la bzhes/
de'i sras bsod nams mgon po/ tshe dbang bkra shis/ rin cen tshe brtan rnams las/ gcen gong ma'i thugs la btags pas dmag dpon gyi las ka bzung / skyid shod dpal 'byor lhun po thab skyong la gnang / 'bring po 'jigs pa med pa dpa' bo'i dbang phyug ste/ rgyal po rA ma Na ltar dgra thabs la mkhas pas yan lag rnam bzhi'i khyu mchog yin la/ chung ba yang rnam dpyod zla ba gsar pa'i ngos su gtsug lag ri dwags kyi gzugs brnyan 'char ba zhig go/ mched rnams la bya bkra shis dar rgyas kyi sras mo don yod sgrol ma jo mor bzhes par sras hor bsod nams dar rgyas dang / don grub rdo rje gnyis las/ gcen lugs gnyis kyi gtsug lag mtha' dag la mkhyen pa'i spyan dang ldan zhing / khyad par bka' brgyud karma kaM tshang gi ring lugs pa don dang mthun pa'i mkhas pa'i dbang po dpal khang lo tsA ba'i drung du thun mong ba'i rig pa'i gnas mtha' dag la phul du byung ba'i sbyangs pa mdzad/ thams cad mkhyen pa bsod nams rgya mtsho gdan drangs te dam pa'i chos kyi bgo skal stsal/ gcung 'khor ba'i phun tshog mtha' dag chu shing gi snying po ltar gzigs te/ sdom gsum rim gyis mnos pa'i grub pa'i dbang phyug chen por gyur/
hor bsod pa'i jo mor dga' ldan pa sa skyong bkra shis rab brtan gyi lcam sring tshe dbang rgyal mo blangs par sras bsod nams stobs kyi rgyal po/ tshe dbang bsod nams bstan 'dzin/ karma ngag dbang grags pa gsum gyi che ba phun sum tshogs pa'i gzi brjid kyis nam mkha'i nor bu la skyengs pa ster bar nus la/ g.yul ngor chas pa'i drag shul gyis thob rgya lha rtse'i rdzong mnga'