[A:202]su 'dzin cing / rnam 'dren zas gtsang sras po'i bstan pa rin po che la phud dud sogs bla na med par bkur ba'i sa la spyod pa'i mtho ris kyi rgyal blon rnams gtso bor brjod pa'i deb ther rdzogs ldan gzhon nu'i dga' ston dpyid kyi rgyal mo'i glu dbyangs zhes bya ba 'di yang / stobs kyi dbang phyug bstan 'dzin chos kyi rgyal po'i bkas bskul bar brten/ bka' chems bka' khol ma/ thugs rje chen po'i skor/ mkhas pa'i dbang po 'gos lo gzhon nu dpal dang / tshal pa'i deb ther sogs khungs thub kyi yig tshang rnams la zhib mor dpyad/ mkhas rlom dregs ldan gyi khungs med blun tshig gi glegs bam rnams la dgag gzhag cung zad bgyis te/ snyigs dus kyi rgyal ba gnyis pa btsong kha pa'i bstan la zhugs pas rgyu mtshan shes nas mi ldog pa'i dad pa thob kyang / 'thad ldan gyi grub pa'i mtha' rnams la chos spong gi sgrib pas ma sbags shing / bcu phrag gi rig pa'i gnas la blo gros kyi 'jug pa cung zad shar ba'i za hor gyi rigs las lo rgyus smra ba'i btsun pa ngag dbang blo bzang rgya mtsho/ ming gzhan tshangs sras bzhad pa'i rdo rje 'jigs med go cha thub bstan lang tsho gsar pa'i sdes/ 'gro ba'i bla ma shAkya seng ge drag po zhes pa lcags sprel lor bltams nas lo nyis stong drug brgya dang nyag ma gsum 'das pa/ 'phags pa'i yul du sUraya zhes pa gangs can gyi ljongs 'dir nyi mar grags shing / mahA tsi na'i rgyal khams su dbang thang dang bstun pa'i skad gu'i wu'i/ phyogs 'dir chu mo lug tu brjod pa'i glu dbyangs kyi zla ba'i phyogs snga ma'i rgyal ba dang po'i tshes la/ sman ljongs sa'i lte ba dga' ldan pho brang me tog mngon par bkra ba'i lding khang du sbyar ba'i yi ge pa ni ngag dbang dge legs so// // mangga laM//