[A:1]bskal pa bzang po'i blta na sdug pa'i grong khyer dbus na 'jigs bral snying stobs gser gyi gdan khri la//
grags snyan nor bu'i rna rgyan 'od gzi mngon par rab 'bar chos kun ma lus gzigs pa'i mig stong can//
mtha' gnyis bcud bral sder bcas bcom pa'i rgyal rnga stong brdungs stobs bcu mnga' ba mkhar nyal tshogs kyi dpal//
bla na mtho ba'i khyu mchog zas gtsang sras po 'chi med gtso bos 'jig rten gsum du dge legs mdzod//
'chi ba'i dngos po rnam par 'joms pa'i gzhom med tshe yi g.yung drung rtag pa'i rdo rje gang //
longs su spyod la zad mi shes par 'dod pa 'jo ba'i 'byung gnas mchog gi gan mdzod kyi//
khyab bdag dbang por dus gsum rgyal ba yongs kyis legs bsngags tshe dang ye shes dpag tu med//
tshe dpal yongs 'du'i ljon pa dus su smin pa'i dngos grub 'bras bu bla na med pa stsol//