[A:385]me khor yug btsugs/ zla mchod dus mchod yod pa rnams sngar bas kyang bzang zhing rgya che ba mdzad/ bsgom gra'i chos tshul sngar chos rje'i bka' srol ji ltar yod pa bzhin rnam par thar pa bskyangs shing gsung ngag la sogs pa'i chos bka' lung zab cing rgya che bas skal ldan gyi skye bo dpag tu med pa zab mo'i lam la smin cing grol bar mdzad do/ /zang zing gi dngos po phyag tu byung ba kun kyang mi chos dang tshul zog gis gzhan dkar la 'bag bcol byed pa la sogs pa chos dang mi mthun pa/ mchog gi rdzas mchog min la sbyor ba dang / dad pa can gyi rdzas po zegs la sogs chud zos dang / gang yin yin don med la cung zad kyang mi 'gro ste/ dam dogs che bar mdzad cing / dkon mchog la mchod pa dang / dge 'dun gyi bsnyen bkur/ sgrub mchod/ gzungs sngags/ gsung rab klog pa la sogs pa skye bo dbul zhing phongs pa rnams kyang / chos spyod sgrub pa la sogs pa la sbyar nas dge ba'i phyogs kho na ru don can la phongs pa med par gtong bar mdzad cing / 'dzin chags mi mnga' ste ngo mtshar ba'i rnam par thar pa cig 'di yin no/ /dgung lo bzhi bcu zhe gsum pa la zla ba drug tsam gyi gang nas/ dge sbyor la sogs pa'i zhal bkod mang du mdzad cing / da lo 'chi nyen yod gsungs/ cung zad sku khams bsnyung nas/ da nga 'chi ba yin pas phan pa min na yang / khyed rtsa na yod pa la yang mis 'thab tu 'ong bas rim gro la sogs pa 'di ltar gyis/ rjes kyi bya ba 'di ltar gyis la sogs pa'i zhal bkod rnams mdzad de/ phyag dpe/ thugs dam/ rdo rje 'dzin pa'i dgos cha san sun yod pa/ slob dpon dpal ldan gyis nya ra gyis la/ rin rgyal gyis g.yog nga dang 'grogs lam ji ltar byed pa bzhin gyis gsungs te/ bzhi bcu zhe gsum pa khyi lo zla ba gsum pa'i tshes bcu la tsha mo rong byang chub rdzong du bde bar gshegs so/ /bde bar gshegs