[A:386]pa'i tshe na yang / dgon pa'i steng na sgra dang 'od zla ba'i dkyil 'khor lta bu shar lho'i phyogs nas dgon pa'i steng na song ba skye bo kun gyis mthong / pur bzhu ba'i dus su yang thugs byon zhing / sku gdung bzhengs pa la sogs pa'i dus rnams su yang me tog gi char 'bab pa la sogs pa ngo mtshar ba'i ltas du ma byung bas 'jig rten pa rnams chos la bskul zhing dad par mdzad do/ /snyan brgyud bzhi yis sku bzhi yi/ /sa bon btab nas 'gros bzhi yi/ /mi zad rgyan gyi mchog stsol ba/ /mtshungs med bla ma'i rnam thar ni/ /cung zad bgyis pas 'gro ba kun/ /bla ma mchog dang mi 'bral zhing / /rtag tu mnyes pa byed par shog /mtshungs med chos kyi rje rgyal ba ri khrod pa'i rnam par thar pa rin po che'i phreng ba zhes bya ba/ chos kyi rje de nyid kyi zhabs rdul spyi bos blangs shing / yun ring du zhabs drung du gus par bsten pa dge slong dpal ldan tshul khrims zhes bya bas/ gsung ngag rin po che la dad cing gus pa'i slob ma dag gi ngor/ tsha mo rong byang chub rdzong gi sgrub gnas dam par sbyar ba'o//