[A:405]mthong ste grub mtha' snyegs par bshad pas 'dir ni de yin par mngon te/ mi 'gyur ba'i bde ba/ 'dzag med kyi bde ba zhes gsungs pa ni lhan cig skyes pa'i ye shes zung 'jug gi bden pa mthong ba de yin par bshad pa'i phyir ro/ /dbang po tha ma tshe 'dir kun rdzob kyi bden pa'i ting nge 'dzin ma rdzogs shing / mi brtan la/ don dam bden pa cung zad mthong yang brtan pa ma thob pas/ 'chi khar zung 'jug mi thob pas bar do'i snang ba shar ba na sngar bden gnyis kyi ting nge 'dzin cung zad skyes pa la brten nas/ bar do'i gdams ngag dran pa tsam gyis zung 'jug thob bo/ /dbang po tha ma'i yang tha ma ni/ tshe 'dir kun rdzob bden pa'i ting nge 'dzin cung zad ci rigs pa skyes na skye ba phyi ma'am/ ting nge 'dzin ma skyes kyang lam la goms shing dam tshig dang sdom pa ma nyams na skye ba bdun nam bcu drug na grub mtha' snyogs par bshad pas/ chos rje nyid ni 'chi khar grub mtha' snyogs pa'i rtags gong du bshad pa dang / lhag pa'i lha dang dpa' bo mkha' 'gros bsu ba byung ba la sogs pa rnams snang ba'i phyir nges pa'o/ /zhi bar gshegs pa'i snga dro sa g.yo ba chen po dang / nam mkha' la sgra chen po thams cad kyis tshor ba byung zhing / me tog gi char bu yug ltar du bab cing gdung bzhu ba'i tshe nam mkha' la 'ja' tshon 'khrigs/ me tog gi char bab/ sku gdung ring bsrel mang du byon/ dbu thod ril por byon pa rin chen sgang gi nang rten du bzhugs su gsol/ sa skya la sogs par gdung gang du spyan drangs pa'i sa dang / zla mchod dag gi tshe yang me tog gi char chen po 'bab pa mi thams cad kyis mthun snang du mthong ngo / /bzhi pa de las lam 'bras bu 'phel ba ni gsung ngag dar na dgongs shing chos 'di'i bdag po yin pas mkhas grub du ma la zhus nas gnang bas/ gzhung man ngag rtogs pa'i rgyud 'dzin gangs can gyi khrod na bsam gyis mi khyab pa bzhugs te/ chos rje nyid kyi lam 'bras kyi khrid yig lo rgyus gzhung bshad