[A:387]pa'i lo rgyus la nye bar mkho ba mdor bsdus cig brjod na/ skye ba brnyes pa dang / spangs rtogs kyi yon tan brnyes tshul phrin las kyis gzhan don ji ltar mdzad pa'i tshul dang / gsung ngag ji ltar 'phel tshul dang bzhi las/ dang po skye ba brnyes tshul ni/ bod kyi sprul pa'i chos rgyal khri srong sde btsan gyi nang blon chen po/ 'khon dpal po che'i sras/ khri mdzes lha legs/ tshe la dbang phyug /klu'i dbang po srung ba/ /tshe 'dzin dang bzhi las/ tshe 'dzin gyi sras slob dpon padma'i dngos slob rdo rje rin chen/ de'i sras shes rab yon tan/ de'i sras tshul khrims rgyal po/ de'i sras gtsug tor shes rab/ de'i sras dge skyabs/ de'i sras dge mthong / de'i sras bal po/ de'i sras shAkya blo gros/ de'i sras chung ba dkon mchog rgyal po/ de dag thams cad dpal yang dag rdo rje phur ba la yi dam du mdzad pas dngos grub ci rigs pa thob pa sha stag byung zhing / pha rol tu phyin pa dang / sngags rnying ma'i gzhung dang man ngag du ma la mkhas pa dge ba'i bshes gnyen gyi gdung brgyud bar ma chad pa'o/ /dkon mchog rgyal po'i sras che ba sa chen kun dga' snying po/ de'i sras kun dga' 'bar/ bsod nams rtse mo/ grags pa rgyal mtshan/ dpa' chen 'od po bzhi las/ dpal chen 'od po'i sras sa skya paN chen dang / zangs tsha bsod rgyal gnyis/ zangs tsha'i jo mo la chos rgyal 'phags pa dang / slob dpon phyag na gnyis/ phyag na'i sras dharmA pha la/ yang g.yog mo cig la slob dpon ye 'byung byung ba las sras min zer zangs tshas len du ma 'dod pa la/ rje btsun chen pos sras yin par mkhyen nas bu tsha de yang long / mi res pus mo la bab pa'i dus 'ong pa yin zhes lung bstan/ de'i sras bla ma bdag nyid chen po bzang po dpal/ de thams cad sngags dang mtshan nyid kyi gzhung man ngag rgya mtsho la mnga' 'byor pa