[A:394]gsum gyi sde snod gsum spyi dang / so so'i khyad par ston pa'i gzhung man ngag phal mo che gsan cing thugs su chud de/ rje btsun bsod rtse chu bo ganggA tshun chad na gsan rgya che bas bod du 'gyur ro cog la ma gsan pa tsam med par byed la/ de tsam cig ngas kyang bya bsams pa'i go cha gyon pa yin te/ hor gyis gtses pas cung ma grub/ gzhan rnams kyang bstan pa la bsam la de bzhin go cha bskyed dgos gsungs so/ /gnyis pa spangs rtogs kyi yon tan bslab pa gsum ji ltar mnga' na/ so thar byang sems rig pa 'dzin pa'i bslab bya srung sdom rnams mig gi 'bras bu ltar gces par bsrungs shing / bstan pa spyi'i dmigs rkyen so sor thar pa'i spyod pa gtso che ba la dgongs nas sha chang phyi dro'i kha zas tha na gos phu dung ma gyon pa la sogs pa 'dul ba dang 'gal ba phra mo tsam yang spangs te/ dge slong gi khrims nyis brgya lnga bcu rtsa gsum 'dul ba nas ji ltar gsungs pa bzhin phyag len thebs par mdzad pas rab tu byung ba rnams la 'dul 'dzin rab cig gi dmigs rkyen bstan pa la khur bsnams pa yin no/ /byang sems kyi bdag gzhan mnyam pa dang brje ba'i byang chub kyi sems mnga' ba ni rang gzhan thams cad bde bar 'dod/ sdug bsngal bar mi 'dod pa snyam pas/ dgra gnyen tha mal pa su yin yang brnyas pa dang khyad du gsod pa la sogs pa gzhan la gnod pa dang / rang phyogs bzung ste gzhan phyogs sun 'byin pa'i thugs mi mnga' ste/ tha na drung gi gzims khang byang chub rdzong zhes bya ba'i dge ru 'brog sde cig la stod byang gi sa cha la gnyen tshan 'dra'i stobs kyis bros pas ma gcig la sogs pa rin chen sgang gi nye gnas rnams na re/ de pa rtsad bcad nas 'gugs pa yin zer ba la khong par rang byang ngos dga' ba yin yang gang bde la btang dgos gsungs nas/ gzhan mi dga' ba dang mi 'dod pa rnams thams cad du spong zhing / rang rang so so ji ltar