[A:406]#/ /bla ma dam pa dpal ldan tshul khrims pa'i rnam thar bzhugs/// /bla ma dam pa'i zhabs la spyi bos gus pas phyag 'tshal lo/ /rje btsun dam pa dpal ldan tshul khrims pa zhes mtshan yongs su grags pa 'di 'khrungs yul ni/ 'bring mtshams mungs zangs kyi 'bras khud sgang skya zhes bya bar/ yab bla ma dar ma rgyal mtshan/ yum rin chen skyong zhes bya ba'i sras gcig po yin/ chung ngu nas 'khor ba la skyo shas che zhing bla ma'i tshul 'dzin pa cig yod pas/ yab kyi bu slob kun gyis phyag 'tshal ba dang / bla ma bu chung ba zhes grags pa byung / dgung lo bzhi pa'i dus su yab las kye rdor dang phyag rdor gyi dbang gsan/ klog yig kyang brda bstan pa tsam gyis mkhyen no/ /dgung lo brgyad pa'i dus su yab grongs nas/ bu slob dang nye tshan kun gyis yab kyi dgon pa dbu ri zhes bya ba yod pa der bzhugs nas yab kyi gdan sa byed dgos zer ba byung na'ang / yul du bzhugs pa la ye mi dgyes par rab tu byung ba cig mdzad par dgongs te/ yum gcig cing yab mi gcig pa'i phu bo bla ma rgyal rin pa bya ba cig yod pa la/ nga btsun pa byed ces yang nas yang du bsnyad pas/ kho na re/ btsun pa byed na sa skya na jo gdan tshogs pa bzhugs zer bas der byas pa drag gsungs nas/ sa skyar yab kyi gshegs brdzongs kyi sku skal sgrub pa dang btsun pa byed pa la byon te/ lha khang chen mor dge 'dun sgang pa'i tshogs pa bzhugs