[A:431]gsungs/ da 'gro bar gda'/ sems kyi 'khri ba cig kyang med/ blo sbyong na 'dug pa'i kha rag pa'i gtum rgyud dang 'dra gsungs/ tshes bco lnga'i nyin phyed yol ba na lus nyams mang po cig mdzad/ gau rI tsau rI zhes sogs kye rdo rje'i 'khor gyi lha mo rnams kyi sngags mang po gsung gin 'dug /cung zad cig nas da lta lus nyams mang po 'bab kyin gda' ba sku khams mi lci'am zhus pas/ khams bde/ da lta bdag med ma lha mo bco lnga'i dkyil 'khor la lha thams cad gar byed pa'i snang ba byung shes pa gsal po yod gsungs/ de ltar thugs dam dang dag pa'i snang ba kho nas dus 'da' ba'i ngang nas/ tshes bco lnga'i srod la bab pa na 'da' ka ma'i nyams len khyad par can dang bcas te chos kyi sku'i dbyings su/ gzugs kyi sku'i bkod pa re zhig tu bsdu bar mdzad do/ /sku gdung zhugs la bzhen pa'i tshe yang ring bsrel khyad par can 'ga' zhig byung zhing / gang zag tha dad kyi gdung skal rnam la yang ring bsrel mang po byon no/ /dam pa de nyid kyi byin rlabs 'jug cing thugs kyi dgongs pa rdzogs pa'i ched du bdag gis rgyal ba rdo rje 'chang nas rje nyid kyi bar gyi gsung ngag rin po che'i bla ma brgyud pa rnams gtso bor gyur pa la/ bla ma brgyud pa la yi dam mang pos bskor ba'i bris sku bcuu gcig bzhengs te/ de'i ras 'dul la rje nyid kyi gdung dri bzang po dang lhan cig phye mar byas te bgo ba'i ched du gdung btags pa'i gseb nas ring bsrel khyad 'phags gnyis byon to/ /dam pa gang gi ngang tshul sangs rgyas dang / /tha dad med phyir bdag ltas rtogs par dka'/ /'on kyang dad pas mdo tsam bris 'di la/ /grub chen bla ma'i byin rlabs 'jug par shog /drin chen rtsa ba'i bla ma dam pa mkhas dang grub pa'i dbang phyug rdo rje 'chang gnyis pa buddha shrI'i rnam thar mdor bsdus pa 'di ni rje de nyid kyi zhabs rdul spyi bos blangs pa shAkya'i dge slong kun dga' bzang pos dpal sa skya'i chos grwa chen por sbyar ba'o// //