[A:433]'bring mtshams kyi cog ro zhes bya ba yin la/ yab mes gong ma rnams 'bring mtshams nas sa skya phyogs su byon te/ ga ra la sogs par 'brog mdzad cing bzhugs pa las rim gyis bdag chen gzhi thog pa'i gsol ja bar gyur pa yin la/ khyad par rje 'di nyid kyi yab ni sa skya tshogs kyi nye gnas chen po/ dpon tshang grub pa yon tan zhes bya ba yin zhing / yum ni bla brang rin chen sgang pa'i dpon skya shabs smad kyi dpon seng zhes bya ba'i sras mo bsod nams dpal 'dren bya ba yin no/ /yum gyi lhums su zhugs pa'i tshe skyes bu dam pa yum gyi lhums su zhugs pa'i mtshan ltas dang ldan par gyur cing / de'i tshe brang khang byi khung sgo na bzhugs pa'i dge slong tshul bkras zhes bya ba zhig yod pa na re/ yum la khyed kyi lhums na bzhugs pa 'di la skyes bu dam pa cig 'byon par 'dug pas bar chad kyi dbang du ma shor ba mdzod cig ces lung bstan mdzad do/ /dge slong de yang gang zag bzang po zhig yin te/ khong sku gshegs pa'i tshe ngo mtshar ba'i ltas du ma dang bcas te gshegs so zhes grag go /de nas khong gi gsung bzhin mdzad par dgongs te/ sngar yab mes gong ma rnams 'brog mdzad pa'i tshe dge ba'i bshes gnyen sron pa rnams dang dpon slob dang yon mchod kyi 'brel zab pas de'i dus na sron pa'i gdan sa ba bla ma yon tan dpal zhes bya ba bcom ldan 'das rdo rje 'jigs byed la mnga' brnyes pa cig yod pa gdan drangs te/ yum gyis 'jigs byed dang tshe dpag med kyi dbang lan mang du zhus so/ /de nas chu pho khyi'i lo la sku bltams pa'i tshe bla ma de nyid spyan drangs te/ bcom ldan 'das rdo rje 'jigs byed kyi dbang zhus nas mtshan yang 'jigs byed bzang po zhes btags so/ /rje rin po che 'di nyid ni/ byis pa chung chung nas tha mal gyi byis pa'i spyod pa las 'das pa zhig ste/ dgung lo gsum bzhi tsam bzhes pa'i dus su/ 'phral gyi rtsed mo'i rnam pa mdzad pa kun chos 'chad pa dang / nyan pa dang / bcom ldan 'das ri khrod