[A:580]pa'i rgya mtsho yon tan yid bzhin nor bu'i 'byung gnas zhes bya ba 'di ni dam pa gong ma rnams kyis rnam thar gyi yi ge du ma mdzad kyang / deng sang dpe rnams 'dzom dka' zhing skabs don rnams rtogs dka' bas rnam thar snga ma rnams kyi legs cha bsdus pa'i yi ge zhig bgyis zhes rgyal tshab dam pa phrin las yun ring du bskyangs pa'i khyab bdag bla ma lhun grub dpal ldan gyi zhal snga nas kyi bka'i cod pan gnang ba spyi bor blangs shing / rang nyid kyang mos pa'i rgyu byas nas bya bral snyom las pa sangs rgyas phun tshogs kyis snyan dngags kyi sgro btags kyi tshig sbyor spangs shing / ma bcos pa nyid rgyan gyi dam par byas te/ bla ma gong ma rnams kyi gsung rab las ji ltar 'byung ba bzhin rnam byung zhes pa sa pho 'brug gi lo'i dbyu gu'i zla ba'i rgyu skar rgyal po cha shas yongs su rdzogs pa'i tshes la/ yon tan rin po che du ma'i 'byung gnas/ dpal e waM chos ldan gyi gtsug lag khang du sbyar ba'o/ /smras pa/ sras bcas rgyal ba'i rtogs brjod rnam thar rnams/ /thar 'dod lam gyi rtsa lag yin na yang / /gtam brgyud tsam du bsams nas 'dor byed pa/ /de dag sems ni yid srub byed pos bslad/ /'bel gtam 'di la nges shes 'drongs 'dod na/ /legs gsung 'dul ba lung dang mdo sde sogs/ /bgrang yas gsung rab blta zhing rigs pas dpyod/ /des na bdag la yi rang cis mi skye/ /a ho 'gro ba phal gyi snang tshul gzigs/ /gtan du bde ba'i dam chos yid bzhin dbang / /zhar byung tsam las snying nas don gnyer dkon/ /longs spyod snyan grags tsam zhig don gnyer mtshar/ /zhes kyang shugs byung thal ba lags/ shu bha mastu sarba dza gattaM//